上陽樓

营业中

休息中

大围小馆要等到8:15先俾人入去， 7:30同阿妈睇完医生， 咁就上咗围方揾嘢食， 揾到呢间正野。我真系好少写食评，但系今次真系想表扬依家食店。每人唔使$300，食物好味， 热辣辣。 楼面同事个个都好好招呼， 酒店都未必有咁好招待。 装修又靓，坐得又舒服。个酸菜水煮牛肉，经理仲介绍我哋加啲粉条落去， 又好好味㖞，都系加$38。咁样食就唔使嗌白饭。食到尾段啲伙计执嘢食客用过嘅纸巾我见佢攞有一个铁嘅小夹夹起客人用过嘅纸巾，唔系用手呢方面我都有啲惊喜。最后经理又介绍我哋食桂花糕同埋白糖糕， 埋单后发现佢哋冇计我哋甜品钱。经理真系好识做，真心呢个价钱有呢个服务食物水准，我觉得85分以上， 极力推介大家。呢个价钱真心唔使帮衬5楼个两间中菜😅而家呢个环境真系好难做，帮帮香港做得好嘅食肆，大家试下去帮衬吓啦。