影片
港铁大围站 B 出口, 步行约5分钟
继续阅读
电话号码
36282692
营业时间
今日营业
10:00 - 22:30
星期一至日
10:00 - 22:30
以上资料只供参考，请与餐厅确认详情
這間中菜館位於大圍的圍方，取名自唐朝皇帝御膳房，主打精緻巧手粵菜結合傳統及新派元素，提供上佳的中菜體驗，一試難忘。店內環境寬敞舒適，裝潢氣派、奢華又典雅，適合約會或多人聚會。蜜脆銀雪魚 - $128金黃酥脆的炸衣薄而不膩，採用優質的銀鱈魚，結實的魚肉雪白含有豐富的魚脂，香氣四溢，還有適量的蜜汁解膩。黑松露醬明蝦球 - $248多隻去殼去腸的鮮蝦仁爽滑彈牙，還有脆嫩的蘆筍粒好鮮甜，帶有陣陣松露的飄香。低溫慢煮欖香一字排骨 - $188一字排骨先採用低溫慢煮，保留最大程度的肉汁，肉質變得極軟腍嫩滑，連著骨的肉味特別香濃，脂肪分佈適中，陣陣欖角的鹹香帶絲絲甜味。鹹魚雞粒豆腐煲 - $188熱呼呼的沙煲保持溫度，一粒粒嫩滑的豆腐有著香濃的醬汁，又有一塊塊雞肉嫩滑多汁，適量的鹹魚帶陣陣鹹鮮味。 冰凍椰香露 - $38帶有顆粒感的椰汁糖水質地濃稠，更有一絲絲爽滑的鮮椰子肉，充滿濃厚的椰子清甜。鮮芒果楊枝甘露 - $38一粒粒新鮮的芒果肉香甜多汁，又有清爽的葡萄柚，酸酸甜甜很輕怡。
继续阅读
位於大圍圍方的粵菜館「上陽樓」大廚出身於歷史悠久的名人飯堂，秉承懷舊粵菜、經典傳承的宗旨，製作出一道又一道以繁複工藝的美味佳餚，而且秉承粵菜嘅精髓，用料足份量大，而且即叫即做，所以會食得出係非常有鑊氣👍▪️西湖牛肉羹 $ 68杭州傳統名菜，西湖牛肉羹香淳潤滑、鮮美可口，每一口都有牛肉碎、雞蛋 、芫荽和冬菇的香氣及咬口，加上少少胡椒粉，材料簡單但味道超然▪️炭香蜜汁叉燒 $ 198叉燒超級入味，充滿焦麥香，重點係肉質軟腍得來有咬口，帶一點點脂肪，配一口香飯，美味的叉燒就在這裏▪️當紅脆皮炸子雞 $ 240餐廳經理介紹這裏的炸子雞用最原始的方法，風乾之後，師傅慢慢用滾油上皮，製作需時，這樣才能做到皮脆肉嫩，名副其實雞皮真的很香脆，再加上少少椒鹽，滋味無窮▪️家鄉小炒皇 $ 178超多料好大份，用上蝦乾、魷魚乾、芋頭絲、腰果、紅椒絲、黃椒絲和韭菜爆炒，每一啖都充滿口感和鮮美，味道鹹香鹹香好惹味▪️香煎琵琶豆腐 $ 198手工菜傳統的琵琶豆腐步驟繁複，這裏用新鮮鯪魚肉、冬菇和豆腐拌勻，利用中式陶匙把餡料固定先蒸，放涼後用大火炸至脆身，這裏做的面層特別加上五年以上的金華火腿，令味道更加甘香，再加上蠔油芡汁和菜心，是一道健康又美味的佳餚▪️冰凍椰香露 $ 38超香濃的椰汁味道，每一啖滿滿椰皇肉、一絲一絲像燕窩碎的口感，而且唔太甜夠冰凍，超級美味的甜品
继续阅读
大圍圍方開左好一段時間，入面有不少餐廳，這間中菜館裝潢華麗富格調，環境寬敞舒適，好適合朋友及家庭聚會。餐點精緻高質，有多款經典，以及特色創意菜式✨.🧡上陽琵琶豆腐 $198廣東經典菜琵琶豆腐有驚喜，加添創新元素，除了鯪魚肉、豆腐外，更加入冬菇、鮮蝦、西芹等材質，口感嫩滑富層次，外脆內嫩，惹味香口，十分推薦。.🩵八頭南非鮮鮑魚（3隻起計）每隻$68有我最愛吃的鮑魚，有多種烹調方法選擇，包括：陳皮蒸/涼拌/椒鹽焗/切片油泡。椒鹽焗鮑魚彈牙鮮美，外層香脆可口，內層口感彈牙，味道微辣惹味，令人回味。.🩷鮮奶蛋白蟹肉炒蝦球 $198用上蛋白和鲜奶，再配上鮮甜蟹肉炒起來，另外還加入多隻新鮮彈牙的蝦肉，同時可品嚐到多重口感，鮮味十足，口感滑嫩豐盈，配飯吃一流。.💚菠蘿咕嚕肉 $148經典粵菜咕嚕肉味道酸甜開胃，口感酥脆可口，肉質軟嫩富多汁，入面還有三色椒、菠蘿、洋蔥、荔枝，用料豐富，味道富層次。.茶位 $20/位 前菜小食、醬料 $28
继续阅读
各大商場都有得睇奧運直播，睇到攰就入去呢間靚靚中餐到食個晚餐先裡面環境優雅脫俗，但價錢又唔算太貴粉絲煲就食得多，配蝦球就第一次見，作為唔想剝蝦殼嘅懶人，呢個蝦煲就啱晒粒粒蝦球大大隻啖啖爽肉，粉絲份量好足爽而不油胃弟好想食魚皮，唔好炸魚皮嘅大胃就姑且俾佢嗌吓，點知一齊爭住食，真係炸得太脆，金沙佈滿成塊魚皮，不得了食魚皮唔夠皮，整多煲魚湯歎吓，裡面有好多勝瓜好爽脆，魚腐大大塊好綿彈，胃弟最欣賞佢嘅腐竹，入晒味胃弟食到個樣最陶醉嘅係一字骨，欖角嘅精華完完全全入晒骨，一咬豬肉完全化開，骨頭都燒得好透，肉質嫩得無比鮑蔘翅肚點都是但食一樣，呢個桂魚羹相當暖胃滋味淡淡都係湯料，有幾片花膠同好多魚肉，仲有胡椒提味胃弟點都要食個飯先肯收口，就嚟碟招牌炒飯，呢碟炒飯犀利在完全唔油膩炒得好乾爽，但粒粒飯都沾晒味，食唔停口食滯咗就飲返杯龍井茶，唔會澀，清清地好啱夜晚飲再食吓前菜蕎頭，酸酸地幾開胃，仲有招牌辣醬一定要試
继续阅读
今日要去大圍睇戲，所以就直接安排咗family dinner喺圍方！一家大細最啱就係食中菜，呢一間位於3樓角落位，可以一試！✨涼拌椒香鮑魚用呢一款烹調方法，鮑魚顯得更加滋味，特別喜歡佢嘅口感，爽甜帶點微辣！而且有冰底嘅坐鎮，特別適合炎炎夏日。鮑魚之下更加有一條一條清爽嘅萵筍絲，記住三隻鮑魚起計，多人分享就啱晒！✨滋味粉絲蝦煲粉絲做得乾身，吸盡鍋底嘅蝦乾香氣，口感亦夠煙韌，而蝦肉亦都相當鮮甜，咬落夠彈牙。✨上陽琵琶豆腐豆腐混合埋鯪魚肉，食落滑溜而不鬆散，炸至金黃亦無好油膩嘅感覺，可以點上黃辣椒或者XO醬，誠意推薦。✨薑蔥魚雲煲薑、蒜頭、蔥嘅味道真係撲鼻而來，魚雲嘅份量都幾多，醬汁唔會過於濃味，食落香口得來又夠滋味。✨上陽樓炒飯米飯炒得粒粒金黃、炒上蝦仁、叉燒、蔬菜絲以及瑤柱，顏色鮮艷繽紛，真係令人胃口大開。📣餐廳嘅午市提供點心，下次有機會可以試一試佢嘅水準；順帶一提枱面嘅黃色辣椒醬係餐廳自家製嘅，味道辛口但極為提鮮！
继续阅读
您可能会有兴趣的...