影片
更多
2022-01-06
57 浏览
依間餐廳位於灣仔船街，餐廳名亦都和應返街名，叫做Flagship😎餐廳自成一角，門口嘅裝飾非常特別，而入面就相當舒適，擁有小店嘅獨特感覺😌 作為一間中西fusion嘅餐廳，餐牌上嘅食物都不乏創意，有多種用中式醬料配搭西式食材嘅菜式😚不過呢晚小編就主要食咗啲西式菜式，質素都非常不錯😽—《 #Japanese Moisture Pork Rack》$238 ⭐⭐⭐⭐💥市面上聽到嘅保濕豬鞍都係加拿大嘅，第一次試到日本嘅保濕豬鞍🇯🇵而依個豬鞍應該係小編食過最厚既豬鞍，沒有之一😻忍唔住想度一度，就用咗iphone嘅measure app度，竟然有成4厘米厚🤣而豬鞍嘅厚度亦冇犧牲到佢嘅肉質，毫不鞋口，仲非常多汁，對得住保濕豬鞍既稱號😍不過肉味就嫌不太濃厚，調味亦較輕手，味道單調😣—《 #Roasted French Spring Chicken》$268⭐⭐⭐⭐️半隻法式燒春雞賣上依個價錢並不便宜，原來係因為用咗慢煮嘅烹調方法，再加咗香料入去烤焗，出嚟嘅效果絲毫不乾身，肉質鮮嫩🐥淨係上枱嘅時候都已經聞到好香，撕開睇到啲肉汁就更加不得了，啲肉汁喺皮同肉中間滲哂出黎😍由於慢煮嘅溫度比較低，令到雞肉睇落仲
依間餐廳位於灣仔船街，餐廳名亦都和應返街名，叫做Flagship😎餐廳自成一角，門口嘅裝飾非常特別，而入面就相當舒適，擁有小店嘅獨特感覺😌 作為一間中西fusion嘅餐廳，餐牌上嘅食物都不乏創意，有多種用中式醬料配搭西式食材嘅菜式😚不過呢晚小編就主要食咗啲西式菜式，質素都非常不錯😽
—
《 #Japanese Moisture Pork Rack》$238 ⭐⭐⭐⭐💥
市面上聽到嘅保濕豬鞍都係加拿大嘅，第一次試到日本嘅保濕豬鞍🇯🇵而依個豬鞍應該係小編食過最厚既豬鞍，沒有之一😻忍唔住想度一度，就用咗iphone嘅measure app度，竟然有成4厘米厚🤣而豬鞍嘅厚度亦冇犧牲到佢嘅肉質，毫不鞋口，仲非常多汁，對得住保濕豬鞍既稱號😍不過肉味就嫌不太濃厚，調味亦較輕手，味道單調😣
—
《 #Roasted French Spring Chicken》$268⭐⭐⭐⭐️
半隻法式燒春雞賣上依個價錢並不便宜，原來係因為用咗慢煮嘅烹調方法，再加咗香料入去烤焗，出嚟嘅效果絲毫不乾身，肉質鮮嫩🐥淨係上枱嘅時候都已經聞到好香，撕開睇到啲肉汁就更加不得了，啲肉汁喺皮同肉中間滲哂出黎😍由於慢煮嘅溫度比較低，令到雞肉睇落仲好似生咁，但係時間足夠就可以安心食用架啦😚 雞肉味道濃郁，香料令到味道更加有層次，仲有底下充滿牛油味嘅薯蓉，十分不錯😋如果份量再多啲就更好啦😖
—
《 #Beetroot & Feta Cheese Salad》$158 ⭐⭐⭐
第一次食只有紅菜頭既沙津，同好多人一樣，小編一直都覺得紅菜頭草青味好重而唔鍾意食🤥但餐廳用特別處理方法去除咗草青味，而紅菜頭與乳酪同黑醋味道上亦令味道加分不少👹乳酪唔會過份濃稠，黑醋亦酸得恰到好處🙂另外再配上feta cheese同南瓜籽增添鹹味同口感，非常開胃😌
张贴
