潮福蒸氣石鍋 (已結業)

屋企老人家始終都係鍾意食中菜，依家秋風起梗係地食大閘蟹啦！始終太閘蟹都係好涼，我哋每人一隻就夠了！可能啱啱開始膏唔算太多，但肉質尚算鮮甜。另外叫咗少少海鮮，元貝大大隻，加上少少粉絲蒜蓉去蒸，鮮味出晒嚟！豉椒炒蟶子鑊氣夠，豉椒青椒紅椒好惹味！蟶子亦好鮮味，多肉！今晚最好食嘅估唔到係呢一隻乳鴿！肉質好嫩滑，無羶味！燒得外脆內軟！正！避風塘炒中蝦反而只是一般，味道尚算香口，小小辣。豉椒炒蜆亦算不錯！味道頗甜！