張公館

营业中

休息中

秋冬係食蟹最好既季節，每年9-12月係蟹肉最肥美既時間。上個月同屋企人去張公館做節食飯，餐廳環境一流，唔會好嘈，又可以望到維港夜景。裝修高級雅緻。見到佢有個蟹粉宴，有幾款蟹粉菜色，當然要試吓啦。蟹粉小籠包：皮薄餡大，一口咬落去爆汁，滿滿蟹油香味，肉味都夠鮮味。蟹粉扒時蔬：大量蟹粉配菠菜，夠哂足料，菠菜鮮甜，配埋大量蟹粉，夾埋一齊食啱啱好。蟹粉伴稻庭麵：相對蟹味冇咁濃，而且一凍咗啲面就糊成一團，如果點呢個麵一定要趁食羊肚菌松茸竹笙花菇燉湯：原盅燉湯既好處就係營養唔會被煲走，亦可以保留食材嘅原汁原味。成盅湯味道岩岩好，唔會好似味精湯，用料都十足。香炸蝦棗：炸得酥脆，口感亦彈牙，但相對其他菜式就比較平平無奇。