石鍋堂

营业中

休息中

今晚約個朋友去旺角石鍋堂食飯，帶過唔同嘅朋友去，就好似我嘅飯堂一樣。同平時一樣，今晚我都係例牌叫厚切鵝肝惹菌石鍋飯。原因好簡單，可以去邊度用呢一個咁街坊嘅價錢，食到咁厚切嘅鵝肝，配以用石鍋燒出嚟嘅飯焦。一啖鵝肝，一啖飯，感覺已經一流，但其實仲有好多蘑菇，再加一啲herbs ，製造出清新嘅草清味。咁熱嘅天氣，配石頭鍋飯，當然要飲冰凍嘅嘢飲啦，今晚就叫咗蜂蜜柚子蜜，係大熱天時嘅解藥。朋友就叫咗個石鍋堂海鮮石燒手打烏冬，配以黑蒜油豚骨湯，因為佢鍾意煙煙銀銀嘅烏冬。我眼見確實係一個好足料嘅烏冬，有蝦，有帶子，有蜆肉，有蟹柳等等。而佢就嗌左一杯凍朱古力。最後仲有一人一件和果子做甜品，總算係唔錯嘅一晚。