MiSS‧Mixian Sour Spicy 米線專門店 (已結業)

大熱天時真係冇咩胃口，行哂成個旺角油麻地全部都係M記KFC，OMG，我想嘔。行行下點知比我見到間咁湖水綠嘅餐廳，原來係食米線，咁好啦，咪食米線囉。岩岩好下午茶時間，叫左個雞肉蘿蔔蕃茄湯米線，唔洗等好耐就有得食，嚇死我，以為得好小雞肉，點知原本全部係哂底，即刻開心番哂！D蘿蔔超超超好味，估唔到呢個天時蘿蔔唔係當造都咁好食，最後我都想講下個湯底，蕃茄味幾濃。下次經過可以再食！