MiSS‧Mixian Sour Spicy 米線專門店 (已結業)

最近晚上鬧市搵食艱難，這晚在油麻地一帶看見這店食品價錢相宜就決定一試，但一試後悔。本來想點一個鰻魚炒飯（好似係），店品說好像賣完了，快上去check check, 態度不錯。結果真的沒有了。然後點了一個焗豬扒飯本身諗住焗豬伏極有限，點知都可以中伏。黃飯唔知係芝士，蛋黃定係咩，反正完全無味，連飯味都唔多覺………豬扒亦一樣無味，跟本唔知食緊咩。生菜正正常常，有蠔油有個譜。米線個湯無味，令到個米線唔知做乜唯一係d 菇唔錯，成餐唯一菇有菇味

今日好難得嚟油麻地呢個地帶，平日幾乎唔會去。尤其香港呢幾個月比較危險😣不過今日自己個慈善機構有活動，就喺隔離幢大廈，所以打算食個晚飯先,一入到去啲姐姐好親切好有禮貌，望完個menu之後就叫咗個 佢哋主打嘅"五香牛厚切豬扒"個豬扒醃得幾好味都幾淋。但係似係落咗梳打粉不過算啦!! 一間咁普通嘅米線其實都沒有什麼期望 😅之後再有朋友嚟join，我都介紹咗呢個豬扒，佢話🆗👌因為嗰排戒緊澱粉質，所以冇嗌米線。再試下兩隻土匪雞翼 🐔只不過炸完之後審啲粒粒上去，好流呀呢個!再加個油菜 🥗🥗呢個反而份量有幾多喎

今晚去旺角食飯，去咗呢間米線專門店食，要咗個一人火鍋，都係$78 ，仲要唔使+1添等咗冇幾耐火鍋就送到，成個鍋都係唔同嘅配料，鋪到好滿，等左一陣已經滾晒。豆卜好入味，咬落去全部都係豬骨湯味，而冬菇就大粒得黎又夠腍。底下係金菇同生菜，好鮮甜，夠晒健康。唯一希望改善既係個鍋可以大個少少，因為個鍋一滾起之後就好快滿，d湯不停漏出黎，有小小唔方便除咗火鍋既配料之外，仲有肥牛送上，不過不失，無咩太特別但特別係要提一提差不多走既時候我再睇返餐牌，發現我點既火鍋明明寫住有芝士竹輪，但頭先黎到見到就無食過，下次真係要睇得清楚d

11/10/2019 @旺角 蜜絲米線今日同朋友行完旺角諗住搵啲嘢食，朋友話之前食過呢間米線幾好，又有我最鍾意嘅蕃茄湯底！所以梗係要去試一下啦！我要咗個雞肉雞扒米線，要特製番茄濃湯！跟餐仲有飲品，可以揀汽水或者豆漿一陣枱就聞到好濃烈嘅鮮茄湯味！！ 雞肉超多！ 飲一啖湯係鮮甜嘅蕃茄湯！ 有新鮮蕃茄嘅味道！個人覺得唔知係咪糖落得多咗少少，所以偏甜，但係味道仍然係非常好的！ 而且湯底又夠熱，蕃茄的酸甜味調教得恰到好處，令胃口大增！雞扒煎得都幾香，但就唔係好大塊連凍豆漿，整體來說54元算是非常不錯！

岩岩係隔離整完牙，唸著求其係隔離食Ｄ野，一直都有見過呢間野既存在但就一直都冇入去試過。咁岩本人超中意食蕃茄既野就入去試試，一行到入去侍應都態度好好，不過個餐牌就有Ｄ難明白，我想叫個濃蕃茄生菜羅白米線唔知點併，最後就叩左個雞肉番茄米線（忘記了影相）。之後坐果個位有點凍，侍應們都好好幫我轉左個冇風口位既位個番茄湯又酸又sweet好好味，本人超中意食譚仔３哥個蕃茄湯底，點知呢間既重好味！！雖然我係上環返工唔就腳但搵日都會特登過黎食多次！食完個米線唔夠飽再拎走個洋蔥豬扒包～都好好味～塊豬扒又厚又入味～～可惜豆獎賣曬冇得飲～因為太好味同埋侍應們真係好好人，所以我就貢獻左第一次既食評畀呢間野～

今日同老公又係搵嘢食嘅時候佢話呢間野之前兩日見過好似幾好食所以今日一齊去試一試我地見有飯食，本來係想食飯嘅不過諗緊米線專門店冇理由食飯㗎所以我哋兩個都係決定食米線我同老公都話想試茄蛋湯所以佢嗌左豬扒烏冬我就嗌左公司米線個湯底真係好正夠濃縮，又有蕃茄粒，蛋絲混和埋湯入面👍🏻👍🏻我個公司有好多餸㗎有兩條芝士腸蟹柳仲有豆pop我揀咗牛肉同埋仲有蘿蔔👍🏻老公個豬扒都係好好味肉質夠林另外佢個餐包汽水或者豆漿豆漿不錯不過唔嫌佢唔夠動😅

同朋友路過呢間米線諗住試下 入到去叫咗一個和風牛丼($53)同埋溫泉蛋蕃茄免治牛肉飯($40)其實份量好大 不過味道就麻麻地 如果自在食飽就真係好抵食不過應該食一次就夠 唔會再食

成日經過話試吓，今日終於試左，地方環境係唔錯，不過d野食就真係好麻麻。咖哩汁比較淡味，而且飯唔夠熱［厚切五味豬扒魚春卷茄蛋湯烏東］個豬扒都幾好味，但個茄蛋湯就好麻麻

今日番工前出油麻地拎野，未夠鐘就入去食個晏，之前有同家姐嚟食過米線，覺得不錯，唔使食嚟食去都係果幾間米線…今日試飯…點知…本來想叫牛肝菌焗雞扒飯，咁佢話無就要左芝士蕃茄 & 黑糖珍珠奶茶只可以講同大x樂無咩分別，飯底唔同之外…如果我叫豬扒的話，應該十成十一樣🤣🤣個飯無咩特別…杯黑糖珍珠奶茶先經典，只係飲左三份一杯無再飲，其實第一啖果陣我已經唔想飲，茶唔係台式feel，但又唔似港式，d黑糖珍珠甜到無糖尿都即刻有…成杯好似糖水咁…等d冰溶緊d，唔食珍珠先叫好少少…好彩店員有禮貌…如果唔係我應該會比劣評…

好耐之前都有寫食評讚佢，因為蕃茄湯夠味夠濃，而且在附近工作，都不時有幫襯，但可能今次之後唔會再嚟。今次叫了一碗火車頭蕃茄湯米線。失望原因: 1)著名蕃茄湯湯底係燶嘅，煮濃咗咁大陣味都拎俾客食。 2)煮好的配料如牛肉沒有隔淨水，直接倒入蕃茄湯中，令成碗米線勁多油及水，成個湯底淡哂，勁差。3) 所有配料沒味道，除了腸仔。賣點嘅蕃茄湯都搞成咁，50幾蚊仲要食啲咁嘅質素，禮貌麻麻仲要加一，不如食譚X同米X陣好過啦～好在要佢換過一碗都肯，不過都係強差人意，下次都唔想再光顧。

同男友行街隨意入去食個Tea...明明門口有茶餐餐牌，但入到去個侍應話無🙄見佢好友善甘介紹餐牌，甘就算試下啦。。。因為吾想食太飽甘就要一碗大米線。。。火車頭蕃茄湯米線：配料有肥牛，蟹柳，豆卜，脆皮腸同蘿蔔。。。首先湯底係濃味既，勁鹹，感覺好重味精☹️☹️☹️米線🍜淋pat pat ........無言。。。材料勁普通。。無特別。。。。仲要下午茶甘都要收加一，完全吾值，一定吾再食

夜晚係油麻地行街，行行下街見肚餓就入左嚟，因為我好鍾意食米線，諗住試下。一坐低，啲侍應幾有禮貌嘅，然後叫左個特切牛肉加羅白生菜酸辣湯米線，仲有兩隻孜然雞翼。一心諗住都幾多人食，諗住啲質素唔會太差。米線嚟啦，個賣相真係碼碼地，所謂嘅特切牛肉原來係肥牛，跟住成碗野上面舖左成棵生菜。食落去，米線勁林，啲湯完全無酸辣味，然後啲肥牛真係好肥。試埋隻雞翼，好大陣油益味🤦🏻‍♀️一碗米線都要成$60，仲要加一🤷🏻‍♀️真係無下次😢

就當我入門口睇唔到餐牌都應該會睇喇啩下午茶Menu左上角除了寫咗外賣下面仲有一句意思應該解讀為：冇加一服務費我再望望收銀後邊幅牆有d字寫明外賣盒幾$塑膠袋另加收費心諗⋯⋯ 應該冇伏啦！可惜我一點完餐menu已經被收起當我收到張receipt時起初以為搞錯咗價錢杯豆漿都到咗，打算食完個餐臨走先出聲最後我先問個收銀姐姐個menu冇加一是什麼意思換來的是⋯⋯ 唔好意思⋯⋯ 我地有加一我唔知以為自己去錯咗西式酒樓飲咗個下午茶

豬肉等於計時肉，醬汁非常之甜，火鍋配料應該係平價材料，可能仲差過任食火鍋的配料，兩個人叫了一個餐和一個火鍋合共150，我寧願再食好啲俾多少少錢，應該茶餐廳或者吉野家一定好食過佢！

我又覺得無d人講到咁差既，我幾中意佢一款鐵板牛肉/鐵板豚肉配飯，很香，配飯一流。價錢都算公道既，係果頭附近食野好多都唔平，依家依知價錢咁既質素，值得我黎多幾次。不過衛生情況真係差d,地下經常感覺油油地，座位之間的空間也不足。