影片
最近晚上闹市揾食艰难，这晚在油麻地一带看见这店食品价钱相宜就决定一试，但一试后悔。本来想点一个鳗鱼炒饭（好似系），店品说好像卖完了，快上去check check, 态度不错。结果真的没有了。然后点了一个焗猪扒饭本身谂住焗猪伏极有限，点知都可以中伏。黄饭唔知系芝士，蛋黄定系咩，反正完全无味，连饭味都唔多觉………猪扒亦一样无味，跟本唔知食紧咩。生菜正正常常，有蚝油有个谱。米线个汤无味，令到个米线唔知做乜唯一系d 菇唔错，成餐唯一菇有菇味
继续阅读
今日好难得嚟油麻地呢个地带，平日几乎唔会去。尤其香港呢几个月比较危险😣不过今日自己个慈善机构有活动，就喺隔离幢大厦，所以打算食个晚饭先,一入到去啲姐姐好亲切好有礼貌，望完个menu之后就叫咗个 佢哋主打嘅"五香牛厚切猪扒"个猪扒腌得几好味都几淋。但系似系落咗梳打粉不过算啦!! 一间咁普通嘅米线其实都没有什么期望 😅之后再有朋友嚟join，我都介绍咗呢个猪扒，佢话🆗👌因为𠮶排戒紧淀粉质，所以冇嗌米线。再试下两只土匪鸡翼 🐔只不过炸完之后审啲粒粒上去，好流呀呢个!再加个油菜 🥗🥗呢个反而份量有几多㖞
继续阅读
今晚去旺角食饭，去咗呢间米线专门店食，要咗个一人火锅，都系$78 ，仲要唔使+1添等咗冇几耐火锅就送到，成个锅都系唔同嘅配料，铺到好满，等左一阵已经滚晒。豆卜好入味，咬落去全部都系猪骨汤味，而冬菇就大粒得黎又够腍。底下系金菇同生菜，好鲜甜，够晒健康。唯一希望改善既系个锅可以大个少少，因为个锅一滚起之后就好快满，d汤不停漏出黎，有小小唔方便除咗火锅既配料之外，仲有肥牛送上，不过不失，无咩太特别但特别系要提一提差不多走既时候我再睇返餐牌，发现我点既火锅明明写住有芝士竹轮，但头先黎到见到就无食过，下次真系要睇得清楚d
继续阅读
11/10/2019 @旺角 蜜丝米线今日同朋友行完旺角谂住揾啲嘢食，朋友话之前食过呢间米线几好，又有我最钟意嘅蕃茄汤底！所以梗系要去试一下啦！我要咗个鸡肉鸡扒米线，要特制番茄浓汤！跟餐仲有饮品，可以拣汽水或者豆浆一阵枱就闻到好浓烈嘅鲜茄汤味！！ 鸡肉超多！ 饮一啖汤系鲜甜嘅蕃茄汤！ 有新鲜蕃茄嘅味道！个人觉得唔知系咪糖落得多咗少少，所以偏甜，但系味道仍然系非常好的！ 而且汤底又够热，蕃茄的酸甜味调教得恰到好处，令胃口大增！鸡扒煎得都几香，但就唔系好大块连冻豆浆，整体来说54元算是非常不错！
继续阅读
岩岩系隔离整完牙，念著求其系隔离食Ｄ野，一直都有见过呢间野既存在但就一直都冇入去试过。咁岩本人超中意食蕃茄既野就入去试试，一行到入去侍应都态度好好，不过个餐牌就有Ｄ难明白，我想叫个浓蕃茄生菜罗白米线唔知点并，最后就叩左个鸡肉番茄米线（忘记了影相）。之后坐果个位有点冻，侍应们都好好帮我转左个冇风口位既位个番茄汤又酸又sweet好好味，本人超中意食谭仔３哥个蕃茄汤底，点知呢间既重好味！！虽然我系上环返工唔就脚但揾日都会特登过黎食多次！食完个米线唔够饱再拎走个洋葱猪扒包～都好好味～块猪扒又厚又入味～～可惜豆奖卖晒冇得饮～因为太好味同埋侍应们真系好好人，所以我就贡献左第一次既食评畀呢间野～
继续阅读