影片
更多
2018-09-05
101 浏览
今日過開新蒲崗做嘢，做完嘢之後同事話不如一齊打邊爐，上網搵到附近有一間餐廳可以打邊爐，咁就試一試啦！餐廳望落有啲似茶餐廳，真估唔到原來有得打邊爐，仲有好多種唔同鍋底添！牆上貼咗好多優惠，樣樣都想試，真係好難揀。最終我哋揀咗個「好事·成雙」，係花雕醉雞煲半隻，加$38 換一細碟安格斯牛肉。湯底好重藥材味，仲有明目嘅杞子，加埋醉雞落去，散發出陣陣酒香味。材料採用新鮮雞，肉質鮮嫩滑溜。 雞肉用花雕酒浸過，酒味香濃。提提大家，千祈唔好烚太耐，如果唔係啲雞就唔夠滑架啦！雖然話係細碟安格斯，但係望落都唔算好細碟。牛肉新鮮，牛味香濃。自家手包雲吞8粒：粒粒都超大粒， 唔係講笑，足足有四分一個拳頭咁大✊， 餡料有夠多，蝦肉新鮮爽口，雲吞皮唔會太厚。松露墨魚丸：墨魚丸就食得多，松露墨魚丸真係好少見，今次難得試到。 墨魚丸新鮮，爽口彈牙，松露味又香。手打三寶丸： 有墨丸、蟹子蝦丸 、肉丸，粒粒都係手打，超彈牙， 尤其是蟹子蝦丸，非常爽口，仲要有粒粒蟹籽喺上面，口感更加豐富。大家都實在太鐘意食丸喇， 叫完松露墨魚丸、手打三寶丸都仲唔夠，再嚟多個貢丸，啲貢丸粒粒都好彈！我哋仲叫咗個手打薯粉， 呢度好多樣嘢都
今日過開新蒲崗做嘢，做完嘢之後同事話不如一齊打邊爐，上網搵到附近有一間餐廳可以打邊爐，咁就試一試啦！餐廳望落有啲似茶餐廳，真估唔到原來有得打邊爐，仲有好多種唔同鍋底添！
牆上貼咗好多優惠，樣樣都想試，真係好難揀。最終我哋揀咗個「好事·成雙」，係花雕醉雞煲半隻，加$38 換一細碟安格斯牛肉。
湯底好重藥材味，仲有明目嘅杞子，加埋醉雞落去，散發出陣陣酒香味。
材料採用新鮮雞，肉質鮮嫩滑溜。 雞肉用花雕酒浸過，酒味香濃。提提大家，千祈唔好烚太耐，如果唔係啲雞就唔夠滑架啦！
雖然話係細碟安格斯，但係望落都唔算好細碟。牛肉新鮮，牛味香濃。
自家手包雲吞8粒：粒粒都超大粒， 唔係講笑，足足有四分一個拳頭咁大✊， 餡料有夠多，蝦肉新鮮爽口，雲吞皮唔會太厚。
松露墨魚丸：墨魚丸就食得多，松露墨魚丸真係好少見，今次難得試到。 墨魚丸新鮮，爽口彈牙，松露味又香。
手打三寶丸： 有墨丸、蟹子蝦丸 、肉丸，粒粒都係手打，超彈牙， 尤其是蟹子蝦丸，非常爽口，仲要有粒粒蟹籽喺上面，口感更加豐富。
大家都實在太鐘意食丸喇， 叫完松露墨魚丸、手打三寶丸都仲唔夠，再嚟多個貢丸，啲貢丸粒粒都好彈！
我哋仲叫咗個手打薯粉， 呢度好多樣嘢都係手打，夠晒誠意，薯粉煙韌彈牙，有嚼勁！
打完邊爐，口腔都仲有啖啖酒香味同藥材味，好明顯真係好足料，下次黎可以試下其他款嘅煲，例如： 滋補濃湯花膠雞煲，相信都一定會好足料。
张贴
