大圍小食

营业中

休息中

大圍小食對大圍嘅街坊來講都係可以話細細個已經食佢大，咁緊係啦佢已經係間大圍嘅老店，屹立咗一個好長嘅時間，每一樣野都好抵食。喺呢度，你可以食到多款街頭小食，燒賣魚蛋、魚肉碗仔翅、炸大腸、煎釀三寶、串燒等等呢啲就唔在講啦。除左小食，亦都有一啲主食又或者可以擺上枱加餸都得，就好似狗仔粉、車仔麵、韮菜豬紅豬腸咁。炸大腸炸得非常香口，配埋甜醬芥辣食風味更佳。韮菜豬紅豬腸，豬腸洗得十分乾淨，完全冇異味。豬紅爽口唔易散，韮菜鮮嫩入味。魚蛋嘅辣汁好辣好過癮。車仔麵十分足料，選擇亦都十分之多，配埋豬皮、豬紅、魚皮餃、牛丸等材料食十分滿足，加少少魚蛋嘅辣汁食更加正。呢間街頭小食嘅總匯，真係絕不能錯過。