張公館

营业中

休息中

今日同阿媽行街去high tea，揀咗呢間位於銅鑼灣地鐵站附近嘅張公館。呢間餐廳氣派十足，裝修華麗，入去就可以飽覽維港景色，景色美麗。座位好闊落，職員態度親切，遞上小食同茶，仲會幫你斟茶。1）陳皮水鴨燉湯-叫咗兩份，湯好清甜，陳皮味突出，湯唔會好油，仲食到淡淡鴨肉🤤2）夏果松子鮮百合西芹炒淮山片-呢道菜結合咗唔同嘅食物，顏色豐富。 淮山片煎過，好有焦香感，食落口感亦都好豐富3）潮式香炸蝦棗-上枱時熱騰騰，咬落去爽口彈牙，食到粒粒蝦仁味！4）櫻花蝦蘿蔔糕-煎得好香，食到粒粒櫻花蝦，好惹味5）碧綠豆苗素翅餃-餡料十足，顏色翠綠，豆苗鮮嫩，餃子皮都好煙韌