影片
更多
2024-02-02
25 浏览
生日千挑萬選揀左依間日本師傅主理既廚師發辦, $1980/位，合共有15道菜。一踏入店內就有種恬靜舒適既感覺, 令人放鬆。整晚師傅表現專業, 每道菜都落足心機, 望住師傅為自己認真料理正正係食Omakase既一大享受。先以靜岡蕃茄蟹肉魚子醬作開胃菜。合鴨煮油脂充足, 口感軟嫩。日本石斑刺身有白身魚既清爽細膩。鰹魚刺身魚味濃, 以蒜同微辣吊味味道幾特別。赤鯥魚散發淡淡火炙香, 油脂豐富。伊勢龍蝦鮮甜爽彈, 入口滿滿鮮味。炸物有鮑魚, 松葉蟹肉餅同埋銀杏，鮑魚非常之嫩，第一次食炸銀杏，松葉蟹肉餅口感綿密, 食到蟹肉鮮味。鹿兒島和牛簡單以高湯, 蔥絲伴食, 重點係和牛既牛脂香濃, 超級軟熟。食OMAKASE最中意既環節係睇師傅握壽司, 見佢地輕輕一握一壓, 背後隱藏住唔知幾多十年既造詣, 深感佩服! 最愛活北寄貝大力一拍拍出鮮味, 池魚肥美油潤, 唔少得大拖羅同埋海膽, 全部都係極鮮味。江戶前玉子燒好特別, 蛋香十足口感卻似蛋糕。甜品加上香甜多汁既靜岡蜜瓜作結, 非常滿足。
一踏入店內就有種恬靜舒適既感覺, 令人放鬆。
整晚師傅表現專業, 每道菜都落足心機, 望住師傅為自己認真料理正正係食Omakase既一大享受。先以靜岡蕃茄蟹肉魚子醬作開胃菜。
合鴨煮油脂充足, 口感軟嫩。
日本石斑刺身有白身魚既清爽細膩。
鰹魚刺身魚味濃, 以蒜同微辣吊味味道幾特別。
赤鯥魚散發淡淡火炙香, 油脂豐富。伊勢龍蝦鮮甜爽彈, 入口滿滿鮮味。
炸物有鮑魚, 松葉蟹肉餅同埋銀杏，鮑魚非常之嫩，第一次食炸銀杏，松葉蟹肉餅口感綿密, 食到蟹肉鮮味。
鹿兒島和牛簡單以高湯, 蔥絲伴食, 重點係和牛既牛脂香濃, 超級軟熟。
食OMAKASE最中意既環節係睇師傅握壽司, 見佢地輕輕一握一壓, 背後隱藏住唔知幾多十年既造詣, 深感佩服!
最愛活北寄貝大力一拍拍出鮮味, 池魚肥美油潤, 唔少得大拖羅同埋海膽, 全部都係極鮮味。
江戶前玉子燒好特別, 蛋香十足口感卻似蛋糕。
甜品加上香甜多汁既靜岡蜜瓜作結, 非常滿足。
张贴
