振興肉丸

营业中

休息中

一向都會買定D肉丸放係屋企，方便平時煮麵或者打邊爐用。今日去開灣仔，順便去振興肉丸補下存貨~今次買左傳統黑椒牛丸、仿干貝燒、三星蔥醬爆貢丸同黃金魚籽球。皇牌產品黑椒牛丸無加入額外添加劑，選用上乘牛後腿肉製作，亦無任何E-number。食落彈牙爽口，夾雜上等南洋黑椒，特別香濃惹味。仿干貝燒以天然魚肉製造，金黃圓柱外型，創意十足，咬落有絲絲質感，軟滑多汁。三星蔥醬爆貢丸加入台灣特產三星蔥，咬落蔥味香濃同時有豐富醬汁，創新又滋味，好有驚喜!黃金魚籽球天然魚肉外皮好有咬口，內裡有彈牙魚籽混合千島味沙律醬，鮮甜獨特好有特色。期待下次再試下其他口味既肉丸