瘋狂小面 (佳德商業大廈)

营业中

休息中

今日去咗瘋狂小麵試佢哋嘅招牌牛肉麻辣麵，一上枱就聞到陣陣麻辣香氣，即刻流晒口水！ 🍜 麻辣湯底麻香十足，揀咗小辣都已經好夠味，飲落去唔會得個死辣字，反而有層次，飲完個嘴仲有少少麻痺感，好過癮！ 🐮 牛𦟌切得厚薄適中，滷得入味，咬落去鬆化得嚟又唔會散晒。牛筋炆到淋淋哋，膠質豐富到黏住個嘴，正到爆！ 🥬 酸菜爽脆得嚟唔會太鹹，中和返個麻辣感 。流心煎蛋煎得啱啱好，一篤穿蛋黃流出嚟撈麵，邪惡到不得了 🍽 雖然麵質普通咗少少，但勝在掛湯力強，所有配料夾埋一齊食真係好滿足，麻辣控一定要試吓！