Wagyu Ya (已結業)

疫情嚴重到開始要有限桌令，每檯只限4個人，仲要每檯隔1.5米。不過呢間鋪依然係有咁多人，可以比人坐嘅檯都坐到滿晒。當中我仲見到有一組5人嘅，要分開兩檯坐。講番食物，呢間就係高級和牛燒肉無誤架喇，少少地叫左個和牛燒肉拼盤同一個和牛三文治。侍應好貼心，會教你燒肉嘅順序，同埋大約燒到咩情況會比較好食（雖然有時佢地企埋一邊望住我地燒都有少少壓力）和牛入口一入即溶，而且十分新鮮，燒到medium rare食都無問題！