影片
更多
2022-10-19
112 浏览
一間非常好服務肉嘅質量又高嘅燒肉店✨.白桃乳酸梳打&青森蘋果乳酸燒灼梳打食燒肉當然要飲翻杯飲品開胃兼解膩，乳酸飲品就係好好嘅選擇，入口酸酸甜甜又有碳酸氣泡，俾足條脷刺激感覺。白桃香味又夠溫和，唔會喧賓奪主。完全推薦一邊食肉一邊飲呢杯梳打。青森蘋果飲落果汁成份較高，乳酸配燒灼原來好夾，各種味道非常平衡，想飲少少酒又想易入口，不失為一極佳選擇👻.黑毛和牛腹柳小排比普通肉片更有厚度，餐廳提供秘製醬汁，入口香濃之餘都唔會掩蓋牛肉本身嘅味道。牛肉有嚼勁得嚟又柔軟，食完一碟想嗌多一碟。.大判燒！黑毛和牛西冷牛肉體積極大，視覺上已經夠曬衝擊。侍應姐姐好好人咁幫我地燒完，手法專業得令我地睇到呆左。燒完之後捲埋浸入蛋液，突然又有啲sukiyaki嘅感覺。食入口完全明白咩叫頂級牛肉，脂肪份量同分佈都啱啱好，幾乎入口即化。蛋液溫柔咁包住肉香，送入口之後一切都咁完美，搞到我覺得自己食緊天堂嘅美食，一啲都唔誇張。貧窮嘅我地冇錢嗌多一份，差啲為咗爭食而大打出手。.日本蠔&烏賊蠔$38 有3隻真係幾抵，燒完非常鮮甜多汁，一啲都唔似出面嗰啲甘唔新鮮，好抵食👍🏽烏賊都非常新鮮嫩滑，唔會咬唔到有渣，即使係主打燒肉海鮮都非
一間非常好服務肉嘅質量又高嘅燒肉店✨
.
白桃乳酸梳打&青森蘋果乳酸燒灼梳打
食燒肉當然要飲翻杯飲品開胃兼解膩，乳酸飲品就係好好嘅選擇，入口酸酸甜甜又有碳酸氣泡，俾足條脷刺激感覺。白桃香味又夠溫和，唔會喧賓奪主。完全推薦一邊食肉一邊飲呢杯梳打。青森蘋果飲落果汁成份較高，乳酸配燒灼原來好夾，各種味道非常平衡，想飲少少酒又想易入口，不失為一極佳選擇👻
.
黑毛和牛腹柳小排
比普通肉片更有厚度，餐廳提供秘製醬汁，入口香濃之餘都唔會掩蓋牛肉本身嘅味道。牛肉有嚼勁得嚟又柔軟，食完一碟想嗌多一碟。
.
大判燒！黑毛和牛西冷
牛肉體積極大，視覺上已經夠曬衝擊。侍應姐姐好好人咁幫我地燒完，手法專業得令我地睇到呆左。燒完之後捲埋浸入蛋液，突然又有啲sukiyaki嘅感覺。食入口完全明白咩叫頂級牛肉，脂肪份量同分佈都啱啱好，幾乎入口即化。蛋液溫柔咁包住肉香，送入口之後一切都咁完美，搞到我覺得自己食緊天堂嘅美食，一啲都唔誇張。貧窮嘅我地冇錢嗌多一份，差啲為咗爭食而大打出手。
.
日本蠔&烏賊
蠔$38 有3隻真係幾抵，燒完非常鮮甜多汁，一啲都唔似出面嗰啲甘唔新鮮，好抵食👍🏽烏賊都非常新鮮嫩滑，唔會咬唔到有渣，即使係主打燒肉海鮮都非常有水準！
.
塩味上牛舌
佢哋嘅牛舌真係好有水準，唔會太薄切，燒完肉身非常有咬口、爽脆、軟嫩，每次都一定要嗌一碟❤️
.
特上牛胸腹肉&黑毛和牛內橫膈膜
其實睇佢哋肉嘅顏色都知道佢哋嘅品質好高，基本上款款都入口即化，牛味甚濃。黑毛和牛比起特上會更多脂肪更嫩滑😚性價比真係好高，呢個價錢呢個質素唔算貴！
.
七味冷豆腐&紫菜飯
佢哋連頭盤同飯都有驚喜，嫩滑豆腐個辣醬非常開胃又唔會太辣再配上煙煙韌韌嘅墨魚～紫菜飯我哋最後再嗌就算食到好飽都堅持食晒成碗，因為真係好香好好食，啲紫菜多到見唔到啲飯🥲份量好多！
仲有最後每人都會送一個甜品係杏仁豆腐同雲呢拿雪米糍！我本身都唔鍾意食杏仁但係佢呢個甜品整得好好，唔會太甜又絕對可以接受嘅杏仁味！
.
唔好睇佢單價好似唔算平咁我哋嗌咁多嘢都係千零蚊兩個人，分量多質素高，真係可以無限翻轉頭食🫶🏻
张贴
