大圍小食

营业中

休息中

我由細到大都住喺大圍，經常去大圍火車站附近去搵嘢食㗎，當中有一間小食店「大圍小食」係一間由我讀書到出嚟做野都會成日幫襯嘅小店。雖然係小食店但都好多款小食及主食都有得食，如煎釀三寶、魚蛋燒賣、串燒、雞蛋仔、車仔麵、臘味糯米飯🍚等，真係重有一款啱你口味😋。煎釀三寶我最愛係食佢果魚蛋、炸得香脆好有魚味同埋大大粒好似乒乓波咁大粒👍🏻，抵食夾大件。臘味糯米飯天氣凍我最鍾愛食臘味糯米飯，有加上原條臘腸及潤腸加埋炸花生🥜配糯米飯，真係人間極品。燒賣咖喱魚蛋🐟呢度個燒賣同咖喱魚蛋，真係好好味，魚蛋佢係用陳皮魚蛋，而最正係佢果辣醬👍🏻。