八海山

营业中

休息中

聽聞呢間餐廳係老字號，於是我就約咗朋友一起請到餐廳吃飯。一入去到個環境感覺好親切有啲似日本嘅居酒屋，有古色古香嘅感覺，環境舒服，令人輕鬆。我哋嗌咗一個鮟鱇魚乾，有啲似食咗個鹹蛋黃嘅感覺。個配汁酸酸甜甜，加上青瓜嘅配搭，感覺令人開胃。另外我哋嗌咗一個雜錦魚生拼盤，包括三文魚、油甘魚、馬糞海膽等嘅魚生，食材鮮甜可口、厚度適中、新鮮。尤其海膽肥美鮮甜，值得推介。我哋亦都嗌咗一個黑椒汁燒帆立貝，黑椒汁味道濃郁可口，帆立貝本身質感嫩滑、口感豐富。另外雪菜炒飯偏鹹卻可口，帶出炒飯的「鑊氣」。我個人認為值得重點推介嘅係呢個雞泡魚乾，佢比一般坊間食到嘅雞泡魚乾更加濃郁入味，質感亦比一般嘅軟綿，非常容易入口。總括而言今次用餐嘅體驗良好，有著去到日本老字號用餐嘅感覺。餐牌選擇多元，味道不錯。