Super大中華火鍋 (已搬遷) 新店位置

一行13人慶生，壽星公想食火鍋，故就訂位一齊去烚下烚下。唔怪之得叫Super 大中華火鍋啦，原來同掌門人有關!7點鐘到，九成滿，半個鐘後滿哂兼好多人等!但8點左右好多人一窩蜂埋單離座，原來8:15前埋單有8折。見張點菜紙，都幾豐富，而且啲前菜又吸引，所以二話不說就叫咗炒聖子，鹽焗東風螺，麻醬番茄，同魚皮，所有前菜都新鮮，熱辣辣，火喉夠，而且都大碟，因為成班人都好餓，相都未影已經無咩得剩.....主菜火鍋，我地傳統同粥底火鍋都有叫，感覺上因食料新鮮，用唔同方法煮都依然出色。其實我地都試咗幾多嘢，但顧住食都無點影相，推介蒸花蛤，雞，火鍋響鈴，本地牛肉，牛肉粒就真係麻麻地，有啲酥同咬唔開。整體啲野都好食。重有重有.......1664啤酒好抵飲，$17一大支又好飲，汽水$10罐對比之下無咁抵。