喜多嬉牡蠣屋 (已搬遷) 新店位置

中環喜多嬉牡蠣屋 任食高質蠔蠔控注意！中環開咗間新既蠔放題店，供應２款價錢: 1個鐘 $398/1個半鐘 $498，可以瘋狂任食生蠔+烤蠔+烤帆立貝，質素係點，即刻話你知～ 呢間喜多嬉牡蠣屋喺中環擺花街，佢鋪面其實好細座位都唔算多，一黎到店員就會介紹佢地既蠔全部都係來自岡山縣笠岡市北木島喜多嬉牡蠣養殖場，所以品質絕對有保證架～坐低咗既時候，店員會先上九款頭盤「喜多嬉九品」，九款前包括：日本直送象拔蚌刺身、喜多嬉牡蠣刺身、喜多嬉牡蠣茶漬飯、二色燒活白鰻、手工月見燒鳥串、天婦羅紫蘇葉吞拿魚蓉、天婦羅秋葵、時令沙律同日式漬物。可能嗰日天氣好凍，我覺得個牡蠣茶漬飯好好食!食完咗啲熟食，就係牡蠣刺身，嘩即叫即開隻隻都肥美鮮甜，再配埋土佐酢啫喱、辣蘿蔔蓉同蔥花，我好似一條友食左一打! 至於鐵板烤牡蠣又係另一種風味，蠔輕輕烤過蠔香更出，食既時候要蘸埋醬汁六宮格(分別係芝士醬、秘製酸汁、泰式辣醬、X0醬、孜然醬同蒜蓉醬）最後，就係燒日本帆立貝，粒粒彈牙鮮甜，我又食咗1打！ 之後食唔飽（?) 仲可以追加其他任點食物，包括牡蠣茶漬飯、牡蠣五島手延湯烏冬同撈烏冬，仲有魚乾小食同埋啲飲品～牡蠣茶漬飯/湯鳥冬同