LAB EAT Restaurant & Bar (金巴利道)

营业中

休息中

琴日好朋友生日,我一早已經上網 search過有啲咩高質餐廳希望同朋友食餐好嘅， 最後揀咗尖沙咀LAB EAT 慶祝生日, 入到餐廳已經感受到滿滿嘅高級感， 柔和嘅燈光，播住輕音樂好靚好浪漫， 每張枱都會擺放氣球花瓣 慶祝字句 好有心思。我哋叫左個生日套餐同其他美食。生日套餐首先嚟一個開胃菜 ，吞拿魚他他迷你脆筒， 非常精緻脆筒入面滿滿吞拿魚他他鮮甜可口加上三文魚子口感更有層次。煙三文魚沙律： 煙三文魚肉質柔嫩， 煙燻味道濃郁 配搭新鮮沙律菜， 帶來新鮮口感。甘筍湯：味道清新口感順滑。青醬大蝦天使麵： 大蝦新鮮甜美口感彈牙， 配搭香濃青醬， 每一口都充滿青醬嘅香甜。烤斧戰豬扒： 豬扒份量十足 ，侍應建議我哋七成熟， 出嚟效果好好非常嫩滑， 肉汁豐富。甜品係焦糖燉蛋： 蛋香濃郁口感非常嫩滑。 加上燃點仙女棒 一幕滿滿儀式感， 朋友超鍾意。另外點咗 龍蝦意粉： 半邊龍蝦大大隻， 肉質彈牙 鮮甜美味， 意粉口感柔韌， 配搭濃郁嘅醬汁， 每一口都充滿海鮮嘅鮮味。