川熙樓 (已搬遷) 新店位置

屋企人生日想食川菜，於是係朋友極力推介下就揀左新開張既「川熙樓」，餐廳環境幽美，食物質素高，難怪朋友極力推薦。 乾碟羊西冷：羊肉有肉汁不會過硬，而且無騷味，正～～藍莓山藥：新鮮既山藥係外面餐廳好少機會食到，所以特別揀左黎試食，山藥配以藍莓醬味道清甜，係一個不錯既前菜。椒麻鹽水蝦：蝦肉爽口，食完舌頭仲會有少少「麻」既感覺，好得意 蓉派香麻爬爬蝦：原來爬爬蝦即係瀨尿蝦，蝦用紅油，京䓤，洋蔥，芹菜等配料一齊爆炒，蝦夠辣，非常惹味。推介~~推介~~清燉野珍菌湯：材料豐富，珍菌味濃，好飲～～