影片
开饭介绍
川熙楼以大量成都本土食材炮制正宗蓉派菜肴，蓉派菜是省府成都流行的官府菜，以经典菜谱为基本，讲求用料上乘丶精细准确丶色相讨好丶口味复杂而温和。
继续阅读
营业时间
星期一至日
12:00 - 00:00
以上资料只供参考，请与餐厅确认详情
朋友生日，四个人就去咗尖沙咀打边炉，帮佢庆祝生日。朋友介绍之下，君怡酒店嘅火锅好正，我哋就入去试吓。餐厅入面环境以红色为主，而且装修格局华丽，好有中国化嘅装饰。餐纸有好多食物选择，而且系任点任食两小时，首先叫咗一个汤底就系鸳鸯汤底，麻辣清油锅同埋当归红枣羊肉汤，饮一啖羊肉汤非常清甜，而且味道一啲都唔骚，好正。啤酒汽水都系任饮，有可乐、甘蔗水同埋加多宝等选择，一个$298价钱任饮任食，真系好抵。当中有我最钟意食嘅花雕鸡件同埋安格斯肥牛片。鸡肉嘅肉质好滑嫩，所以之后都一次过encore左几份。除此之外，蟹柳棒、手打虾滑、粉丝、冬瓜片、猪红、炸响铃同样出色美味。埋单都只系1200，平均消费＄400有找，酒店级高级食材，加上价钱超值，食物质素一流，必定会再帮衬。
继续阅读
去tst揾朋友食lunch朋友话呢间佢食开唔错带我来试下好阔落$58起可叫面食或者小火锅另配小食同饮品我地一人叫一个餐小食叫左木耳同口水鸡d木耳劲爽醋味令人超开胃好好食lunch有多款小火锅定食另一款小食系口水鸡唔太辣调味超香D鸡肉好滑**番茄酸汤鱼锅**我叫左个小火锅定食超多料有金菇、粟米、番茄、薯仔、鸡髀菇同冬菇等个汤底酸酸甜甜带微辣相当醒胃一个人食晒原来都几饱下朋友叫左卤肉面估唔到好好食面质好弹牙卤肉整得好入味d野食好好食呢度坐得几舒服整体感觉唔错
继续阅读
我同老婆放工约左剪头髪顺便去附近睇下有咩食，之前夜晚都黎食过川熙楼，不过未试过D间既午餐，原来都有lunch set，每一个餐都包一个主食+小食+饮品，所以我地叫左每人一个餐来试下。口水鸡比我相像中麻同辣都配合得岩岩好，加埋鸡脾肉嘅嫩滑，几开胃，𩠌饭或面都一绝。蒜泥白肉对比口水鸡清淡点，因为D辣不算太辣同埋白肉包住青瓜丝，所以清得来带点爽口，但味道都十分美味。跷脚牛肉锅有牛肉、牛柏叶、牛筋、冬菇、粟米、秀珍菇、金菇、萝白，上菜时见摆放得非常之靓！饮一饮汤先，牛肉味超浓郁，对唔食得辣既人同细食既人黎讲一绝。麻油鸡汤面我地今日两口子都唔想食太辣，所以叫咗个汤面食，汤底清甜麻油味非常香㶶，鸡件仲帮我们去左哂D骨，非常细心，尽吸汤底精华，好好味。
继续阅读
老公同我钟意食辣 ，但是一般嘅川菜馆都比较污糟挤迫，有同事介绍位置便利， 位于尖沙咀美丽华附近嘅呢一间川熙楼 话坐得舒宽敞舒适所以今日就即刻去试。虽然我哋两个人，但 侍应生 安排四人枱畀我哋，无论系枱或者櫈都非常大， 而且抽风系统整得好好，食完都唔会一大阵油烟味。供应嘅茶水系我最钟意嘅玄米茶，凉菜方面我哋点 川椒鸡。 因为之前有睇食评推介，川椒鸡唔系个个地方都有，味道唔会太辣，鸡肉爽口，作为头盘，打开味蕾最好不过。主菜叫见咗辣子鸡丁，水煮牛肉。辣子鸡丁，一见到面层都咁多辣椒， 口水都流埋。 鸡肉本身带咸香，再加上辣椒干嘅味道， 佐酒一流。水煮牛肉, 叫咗个例牌但份量十足, 面有芽菜,瓜,底有红薯粉而且系扁身𠮶只,最为入味。 牛肉都 颇 多。蔬菜方面，我哋本身想拣四季豆，但餐牌上见唔到，于是选择了泡椒娃娃菜。娃娃菜 煮得刚刚好， 鲜嫩美味， 而且有啖汤饮， 有酸辣味。埋单六百四十蚊， 虽然有啲小贵，但系食物质素好，而且食完唔会一阵油烟味，坐得舒服最紧要。
继续阅读
好耐未试过喺酒店里面嘅餐厅食噜~~食咗咁多次西餐，今次决定试下君悦酒店嘅四川菜!呢间餐厅非常阔落，环境清静幽雅，绝对可以俾客人慢慢享受佢嘅四川菜。我地叫咗口水鸡同白肉，两度菜嘅辣味都十足! 口水鸡煮得好滑，香料唔会过多，味度同咬口啱啱好。白肉配埋青瓜简直系绝配，可以中和到小小辣味，个酱汁好辣但系好香，个白肉都切到好薄好好味!最后我地叫咗个鸭，香料十足，d糊椒味道好重好香好好味，个鸭煮到好嫩滑，食完真系好饱好满足😋服务方面，待应好有礼貌，应付客人嘅人手相当足够。所以一定会考虑再帮衬!
继续阅读