影片
更多
2017-11-28
173 浏览
今日係媽媽生日，我們幾兄弟姊妹一同夾錢請媽媽食晚飯慶祝，商量過後我哋就去咗一間御膳私房菜菜館食中菜。六位用 （套餐 2）一個麻辣鹵水大拼盤我們都不喜歡吃辣，所以就 請店員給我們走辣，裏面有手撕雞，豬大腸和牛肚。手撕雞啖啖肉，鮮雞味濃郁，雞肉纖維夠咬口得嚟又唔黐牙，配上自家調製嘅鹵水汁， 味道與別不同，別家好少有這樣的水準。仲有煙煙韌韌嘅豬大腸，鎖實滿滿嘅醬汁，入味非常，牛肚同樣出色，大廚好巧妙地把浸製時間配合出色，牛肚爽脆，味道夠濃郁。仲可以自己點辣, 好細心.芙蓉蛋白老虎班淨係聽個名已經贏曬，一條名貴嘅老虎斑，仲要配合大廚嘅經驗，就令一條老虎斑生色不少，時間上的控制，不溫不火，少啲功力都做唔到，蒸煮出嚟嘅老虎斑，肉質幼嫩無比，又鮮甜，配搭滑捋捋嘅芙蓉蛋，優質嘅食材配上優秀嘅師傅，簡直係絕配。大肉蟹２只可選花雕雞油蛋白蒸，避風塘炒，薑沖炒，胡椒炒，四川香辣炒，有多種嘅煮製提供選擇。我哋就揀咗避風塘炒同埋薑蔥炒。先講避風塘炒極之惹味，香濃味非常豐富，大量嘅蒜蓉炒得香噴噴 ，脆卜卜連同香蔥，秘製 醬料，將整隻大蟹肉質封住 來炒，蟹汁不會流失，肉質 仍然嫩滑，鮮甜無比。另一隻薑蔥炒，有另一種
六位用 （套餐 2）
一個麻辣鹵水大拼盤
我們都不喜歡吃辣，所以就 請店員給我們走辣，裏面有手撕雞，豬大腸和牛肚。
手撕雞啖啖肉，鮮雞味濃郁，雞肉纖維夠咬口得嚟又唔黐牙，配上自家調製嘅鹵水汁， 味道與別不同，別家好少有這樣的水準。
仲有煙煙韌韌嘅豬大腸，鎖實滿滿嘅醬汁，入味非常，
牛肚同樣出色，大廚好巧妙地把浸製時間配合出色，牛肚爽脆，味道夠濃郁。
仲可以自己點辣, 好細心.
芙蓉蛋白老虎班
淨係聽個名已經贏曬，一條名貴嘅老虎斑，仲要配合大廚嘅經驗，就令一條老虎斑生色不少，時間上的控制，不溫不火，少啲功力都做唔到，蒸煮出嚟嘅老虎斑，肉質幼嫩無比，又鮮甜，配搭滑捋捋嘅芙蓉蛋，優質嘅食材配上優秀嘅師傅，簡直係絕配。
大肉蟹２只
可選花雕雞油蛋白蒸，避風塘炒，薑沖炒，胡椒炒，四川香辣炒，有多種嘅煮製提供選擇。
我哋就揀咗避風塘炒同埋薑蔥炒。先講避風塘炒極之惹味，
香濃味非常豐富，大量嘅蒜蓉炒得香噴噴 ，脆卜卜連同香蔥，秘製 醬料，將整隻大蟹肉質封住 來炒，蟹汁不會流失，肉質 仍然嫩滑，鮮甜無比。
另一隻薑蔥炒，有另一種風味，第一佢嘅食材夠新鮮，配料配搭得宜，加上有質素嘅師傅，火路準成，能令到這個菜式更加提鮮，令客人有回味嘅感覺。
蒜蓉粉絲蒸大蟶子皇6只
呢間餐館嘅食材不容置疑，絕不吝嗇，king size嘅蟶子 鮮味無窮，連鋪在上面嘅蒜蓉我哋都不會放過，放在下面的粉絲，吸盡蟶子嘅鮮甜味，簡直係一級享受。
士多啤梨骨
新鮮嘅士多啤梨，香味芬芳 怡人，又清甜，炒得香脆嘅肉骨，賣相已經好吸引，面層嗰種醬汁睇見已經好想食，味道甜甜蜜蜜，裏面肉質軟腍得嚟又彈牙，整體配合得非常出色。
蒜蓉炒時菜
時令嘅新鮮蔬菜跟蒜蓉嘅配搭得非常出色又可口。
招牌御膳炒飯
呢個招牌飯頂呱呱，就算我哋已經食得飽飽，但係大廚嘅手作令我們都依然繼續不停地吃，佢嘅材料又豐富，將每一個飯粒都炒得非常乾身，好爽口，味道又出眾。
菠蘿鳥
呢個甜品外形十分美觀，有百鳥朝凰嘅感覺，有好多種新鮮水果，有奇異果，士多啤梨，提子，菠蘿，西瓜，還有好多種等等，你哋要親身體驗就會領略到。食完呢個晚飯後，我們一家人都心情靚靚地回家去。
每位$385,6位用，免加一
张贴
