影片
更多
2020-11-01
1163 浏览
全城趨之若鶩嘅餐廳，每個月1號開放預約下個月嘅座位，特登較定鬧鐘先book到枱，究竟係咪真係咁好食？首先個入口有少少難搵，行外面會容易過行商場入去。餐廳唔算大，氣氛裝修當然好，好大個窗口但因為樓層太矮，所以冇任何風景可言。特別要講佢個洗手間嘅水龍頭，竟然係扭掣，咁高級嘅酒店，疫情底下都唔使用自動水龍頭，衛生情況令人擔憂。侍應上菜會介紹每一個菜式，得閒又會來斟吓茶，服務幾好。白茶帶花香，幾好飲。首先上枱嘅係鹹點，除咗鵪鶉蛋黑松露嗰個又甜又咸怪怪地之外，其他都幾好食，火腿芝士三文治出乎意料紮實濕潤，煙三文魚唔會太甜，琥珀合桃青瓜卷口感豐富。同時上枱但話係第二道菜嘅酥盒蘑菇都幾好食，夠濕潤又唔會太濕潤，調味幾好。Scone偏脆，我個人喜歡呢種比較鬆化既口感，但朋友就麻麻地。特別要提個clotted cream 雪得硬過石頭，點解唔解凍左先？之後就到甜品車，一共有兩架車，第一架係白色甜品，其中比較出色嘅係著名嘅拿破崙蛋糕同埋芝士蛋糕。其他嗰啲好普通，藍莓蛋糕太甜。朱古力車全部野都好甜。香蕉朱古力撻嘅朱古力做得幾滑，有真蕉肉，不過都係偏甜。一般般類似奶凍嘅物體質感幾好食，不過又係太甜。總括而言，
首先個入口有少少難搵，行外面會容易過行商場入去。餐廳唔算大，氣氛裝修當然好，好大個窗口但因為樓層太矮，所以冇任何風景可言。
特別要講佢個洗手間嘅水龍頭，竟然係扭掣，咁高級嘅酒店，疫情底下都唔使用自動水龍頭，衛生情況令人擔憂。
侍應上菜會介紹每一個菜式，得閒又會來斟吓茶，服務幾好。
白茶帶花香，幾好飲。
首先上枱嘅係鹹點，除咗鵪鶉蛋黑松露嗰個又甜又咸怪怪地之外，其他都幾好食，火腿芝士三文治出乎意料紮實濕潤，煙三文魚唔會太甜，琥珀合桃青瓜卷口感豐富。
同時上枱但話係第二道菜嘅酥盒蘑菇都幾好食，夠濕潤又唔會太濕潤，調味幾好。
Scone偏脆，我個人喜歡呢種比較鬆化既口感，但朋友就麻麻地。特別要提個clotted cream 雪得硬過石頭，點解唔解凍左先？
之後就到甜品車，一共有兩架車，第一架係白色甜品，其中比較出色嘅係著名嘅拿破崙蛋糕同埋芝士蛋糕。其他嗰啲好普通，藍莓蛋糕太甜。
朱古力車全部野都好甜。香蕉朱古力撻嘅朱古力做得幾滑，有真蕉肉，不過都係偏甜。
一般般類似奶凍嘅物體質感幾好食，不過又係太甜。
總括而言，鹹點好食過甜點，甜點全部偏甜，好膩。
张贴
