影片
更多
2024-06-07
142 浏览
先付前菜有北海道蘆筍、靜岡蕃茄、加埋沖繩水雲，甜酸相間，開胃非常。Sashimi 真鯛𩶘魚 - 微酸既醬汁帶有蔥既香味，魚肉上有紫蘇葉花穗，食落有清新既香味，配上魚肉既鮮味，配搭相當夾而不單調。平貝 - 食落比大家食開既帶子肉質更結實，配上海膽汁後，鮮味更突出，建議入口慢慢咀嚼，充分感受平貝同海膽鮮味發揮！鹿兒島深海池魚 - 魚腩相當爽口，充滿魚油但絕不油。而背脊肉入口較結實，冇魚腩既油脂味咁出，但特別火燒後既味道，配上魚肉鮮味及醬料更為特別！拖羅卷 - 燒灸既中拖羅，油分出曬黎，但上面舖上一層wasabi令成件事絕不油膩！而另一面既赤身亦事先醃製，灑上少少芝麻，最後配上紫菜夾埋一齊食，入口鮮味濃郁，但又有不同味道在口腔迴盪，絕對係吞拿魚迷既必食之選！熟食汁煮鮟鰜魚肝 - 魚肝上面鋪上山椒葉，上枱嘅時候已經好香！入口口感柔軟，充滿魚既鮮味，口入面融化更帶有絲絲清甜，配上醬汁帶有微微咸味，味道層次豐富，令人驚喜！金鯛立鱗燒+ 紫菜汁 + 青椒 - 整個菜式既形象相當突出！而突出既立鱗食落相當香脆，魚肉入口肉質紥實，魚味香濃，配上紫菜汁更是令鮮味更為突出！壽司 間八魚 - 口感結實滑溜，淡
前菜有北海道蘆筍、靜岡蕃茄、加埋沖繩水雲，甜酸相間，開胃非常。
Sashimi
真鯛𩶘魚 - 微酸既醬汁帶有蔥既香味，魚肉上有紫蘇葉花穗，食落有清新既香味，配上魚肉既鮮味，配搭相當夾而不單調。
平貝 - 食落比大家食開既帶子肉質更結實，配上海膽汁後，鮮味更突出，建議入口慢慢咀嚼，充分感受平貝同海膽鮮味發揮！
鹿兒島深海池魚 - 魚腩相當爽口，充滿魚油但絕不油。而背脊肉入口較結實，冇魚腩既油脂味咁出，但特別火燒後既味道，配上魚肉鮮味及醬料更為特別！
拖羅卷 - 燒灸既中拖羅，油分出曬黎，但上面舖上一層wasabi令成件事絕不油膩！而另一面既赤身亦事先醃製，灑上少少芝麻，最後配上紫菜夾埋一齊食，入口鮮味濃郁，但又有不同味道在口腔迴盪，絕對係吞拿魚迷既必食之選！
熟食
汁煮鮟鰜魚肝 - 魚肝上面鋪上山椒葉，上枱嘅時候已經好香！入口口感柔軟，充滿魚既鮮味，口入面融化更帶有絲絲清甜，配上醬汁帶有微微咸味，味道層次豐富，令人驚喜！
金鯛立鱗燒+ 紫菜汁 + 青椒 - 整個菜式既形象相當突出！而突出既立鱗食落相當香脆，魚肉入口肉質紥實，魚味香濃，配上紫菜汁更是令鮮味更為突出！
壽司
間八魚 - 口感結實滑溜，淡淡既鮮味令人胃口大增！
青柳貝 - 又好又爽，青檸令成個鮮味更突出！
赤貝 - 網狀既赤貝肉質厚實，食落非常爽口，青檸汁更令鮮味清新可口。
北海道牡丹蝦 - 蝦肉彈牙，鮮味非常！
帆立貝 - 上面灑左鹽同柚子皮，入口既柚子香同厚厚帶子鮮味互相配合！
三層拖羅 - 三層拖羅不只三重享受，油香味四溢，配上醋飯既微酸，整體口感不油膩！
海膽 - 一食落就知係極新鮮嘅材料！海膽清甜嘅味道相當出，而且香濃，實在係爆讚既推介！
燒物有玉子燒，味道香甜而充滿蛋香！最尾有大大舊龍蝦肉既龍蝦麵豉湯，飲落舒服！加埋香甜可口既靜岡日本蜜瓜同芒果，實在係完美！
张贴
