張公館

营业中

休息中

嚟到銅鑼灣想食下午茶， 想搵一間坐得舒服，性價比又高嘅餐廳真係唔容易。 金公館係一間性價比高，而且環境非常舒適嘅中菜館。環境靚絕開揚， 一坐低已經望到尖沙咀一帶，正。 下午茶套餐包咗十幾款特色小點心， 先黎兩款開胃菜: 雜果火箭菜沙律新鮮多汁，蟹子鰹魚汁冷麵夠曬爽軟， 非常醒胃。金色小托架放咗不同類型中西式嘅食物， 賣相非常吸引。🤩薄荷滴漏番茄凍湯味道清新， 而且番茄微甜，簡單開胃。鮑魚酥嘅酥皮好爽脆，鮑魚肉質彈牙， 估唔到酥皮加鮑魚嘅配搭令到口感食落去更有層次。魚子醬燻蛋， 將微醺的雞蛋放上魚子醬，做法雖然簡單， 但將魚子醬鋪滿係蛋黃，已經令味道大大提升。😋荔枝果凍，先聞到清香的桂花味，荔枝果肉配桂花啫喱非常香甜嫩滑， 好味道👍另外，小蒸籠上面放上兩款點心: 蝦餃皇入面隻鮮蝦大大隻，非常彈牙。上湯小籠包亦好出色， 上湯非常濃郁， 餡料豬肉亦非常juicy，正👍。鐵觀音茶嘅蘭花香氣十足，入口後回甘味非常明顯 ，而且好有豐富嘅層次，攞嚟消滯解油膩感覺一流。