白鬚旗艦店 (已搬遷) 新店位置

今日天氣超級好，藍天白雲，就入咗去爬獨木舟。爬完艇好鬼攰又好鬼肚餓，就周圍搵食。不過西貢假日真喺人山人海，呢間店未夠6點都排晒隊，仲話要等９個字。我地見咁早，就只好照等。喺出面既涼亭等左一陣，終於可以入座了。聽聞呢度有２層，上面似日式塌塌米既設計，我就冇上去喇，喺下面聚餐。下面設計就平實啲，都喺木系舒服既設計，座位都好闊落，櫈上有個識變色嘅氣氛燈，都幾浪漫嘅。▧ 烤豬頸肉炒菜 配白飯第一碟上既菜式，烤豬頸肉烤得幾入味，少少脆，喺好食嘅。▧ 白鬚印尼牛丸粉牛丸粉內有一片薄脆，豆腐卜，幾粒牛丸。湯底普通牛湯味，味道都唔錯。▧ 印尼雞湯飯＆烤豬頸肉湯粉個湯底我個人覺得偏淡。▧ 泰式魚餅魚餅味道較濃，配個醬好好味。▧ 雞翼一樣都喺烤得好脆好入味。▧ 沙嗲雞串可能烤炸需時，食到尾段先上菜，我就無咩點食，睇落個樣就烤得唔錯。▧ 整體來說，燒烤類食物好食，湯類我覺得偏淡。