蜜庵本膳 (已結業)

今日行經赫德道，見到呢間新開的蜜庵本膳，餐廳招牌嘅字體得得意意，好吸引，就坐低品嚐一下。餐廳裝修走日本無印 Cafe 簡約風格，播放休閒舒適嘅音樂，跟外面吵鬧嘅街道形成強烈對比，環境一流。店員介紹，餐廳食物走健康養生路線。我 order 了一個 lunch set，$118。首先試下個沙律，沙律菜很新鮮，配上酸汁，醒神開胃。餐湯係味噌湯。白飯或十穀飯當中我選擇了後者，健康一點嘛。冷盤主菜，合鴨醬油煮。味道幾好。燒物，柚子風味燒雞。雞肉燒得好香口之餘，仲食得出柚子嘅酸味，層次豐富。鍋物，日本厚切煙肉。厚切煙肉好有口感，而且醬汁很惹味，送飯一流。甜品係焙茶咖啡雪糕，無蛋無奶，全素。日本天然山渣蘇打 $38山渣嘅抗養化同豐富維他命，我就唔識咁多喇，只係覺得飲落甜甜地，幾清新，同我嘅 lunch set 味道好夾。除咗食物出色之外，最欣賞呢度走無印嘅簡約風格裝修，嘆完個健康午餐，成個人都感覺到好斷捨離，最適合上班族俾老細卒數壓力大，中午黎食返個 lunch 放鬆一下。