露台餐廳

营业中

休息中

這間店長期熱爆，訂座差不多要一兩個月之前訂座。餐廳嘅裝修帶古典classic風味，既高雅又悠閑，還有不少打卡位，值得一訪。下午茶$368/位或$688 兩位茶點分別有甜點七件和鹹點六件，整體而言，不論鹹點和甜點的水平不錯。特別喜歡鴨肝珍寳珠，口感香滑，味道豐腴又creamy, 十分滋味；煙三文魚配三文魚籽卷味道鮮美；蟹肉卷充滿蟹味，又有少少魚子醬嘅鹹味吊起鮮味，味道不錯；煙燻火腿三文治卷配上青瓜，味道清新而不寡；綠茶榛子泡芙小個子10分可愛；雜莓配上慕絲，口味清新，其他的蛋糕味道也不錯不會太甜，印象唔太深刻。那scone口感鬆化，外脆內軟，配上果占和clotted cream, 好吃。餐茶選了peninsula blend, 口感香滑又順喉，而朋友的mocha 也不錯，味道香甜又不膩口。十分喜歡這樣的環境和服務，悠閒的過了一個下午，吃罷還看到日落真不錯。