蜜庵本膳 (已結業)

多數人都知赫德道一向多酒吧，比我發現原來有間日式甜品店喺呢條街，鍾意食甜品嘅我，決定入去試吓。睇睇餐牌，原來呢度唔只得有甜品，仲有晚餐主食，我地2個女仔叫咗1個主食同一個甜品share食。和風海膽卡邦尼烏東-海膽crossover卡邦尼都係第一次食，原來個味道係咁match,海膽好鮮甜好新鮮，卡邦尼個汁好creamy好滑，烏東係手打烏東，好煙韌，吸收晒d汁，好好食。鮮果甜心-店員一早已經同我地講咗，今日鮮果係桃，個桃好清甜，好香桃味，班戟有6層咁多，班戟好香蛋味，試上面仲一層勁厚嘅開心果制成嘅cream,好香滑，個cream仲有開心果碎喺入面，配埋班戟食係一絕。