影片
更多
2018-03-05
154 浏览
踏入狗年真有食神相伴，家姐姐夫又帶我去威，繼續有得食嘢唔使俾錢咁梳乎，今晚仲係食日本野，要成千幾二千元一個人，實在太幸福了！家姐話有兩間鮨文，第一間開係元朗比較遠，我哋來紅磡這一間，只做廚師發板，晚上有兩個價錢選擇，我們揀了最豐富的一款，每位要1750。我鍾意食但對刺身海鮮認識不多，幸好呢度啲壽司長好有心機解釋每一款食物，真要俾個讚佢，全程變成互動，大家有傾有講很有趣。漬物有四款，我最欣賞芥末淮山，醒神又爽口。依次序刺身以佐賀生蠔開始，以酸汁啫喱及桔子皮調味份外有清新感。白子以魚子醬調味，更加矜貴，個樣似豬腦，口感似豆腐花。營火魷魚多膏，用蒜吊味。北海道力高昆布做昆布卷，裏面包着魚肉，好正。高潮在櫻煮鮑魚，成條好長，煮到似櫻花咁靚，所以有咁嘅名，煮得入味又夠腍，聽講話要準三日，厲害。清酒青鮑超好食，原來個講仲可以做鮑汁，可以配壽司飯食，咁都諗得到。壽司其實都精彩嘅，首先有平鱸魚，然後壽司長有表演打青柳，打幾下特別有彈力，見到佢會郁。跟住玩活海老，眼突突仲會跳，望住佢被即劏即吃，極新鮮。食埋喉黑、自製魚子、銀雪魚BB、大拖羅、BB穴子差不多齊。今晚海膽有兩款選擇，平日做海膽杯的是赤海膽，
家姐話有兩間鮨文，第一間開係元朗比較遠，我哋來紅磡這一間，只做廚師發板，晚上有兩個價錢選擇，我們揀了最豐富的一款，每位要1750。
我鍾意食但對刺身海鮮認識不多，幸好呢度啲壽司長好有心機解釋每一款食物，真要俾個讚佢，全程變成互動，大家有傾有講很有趣。
漬物有四款，我最欣賞芥末淮山，醒神又爽口。
依次序刺身以佐賀生蠔開始，以酸汁啫喱及桔子皮調味份外有清新感。
白子以魚子醬調味，更加矜貴，個樣似豬腦，口感似豆腐花。
營火魷魚多膏，用蒜吊味。
北海道力高昆布做昆布卷，裏面包着魚肉，好正。
高潮在櫻煮鮑魚，成條好長，煮到似櫻花咁靚，所以有咁嘅名，煮得入味又夠腍，聽講話要準三日，厲害。
清酒青鮑超好食，原來個講仲可以做鮑汁，可以配壽司飯食，咁都諗得到。
壽司其實都精彩嘅，首先有平鱸魚，然後壽司長有表演打青柳，打幾下特別有彈力，見到佢會郁。
跟住玩活海老，眼突突仲會跳，望住佢被即劏即吃，極新鮮。
食埋喉黑、自製魚子、銀雪魚BB、大拖羅、BB穴子差不多齊。
今晚海膽有兩款選擇，平日做海膽杯的是赤海膽，我們跟還是特別啲白海膽，因為產量少很矜貴，要幾千蚊一盒，味道比較清甜，不及赤海膽搶，但我喜歡。
魚湯都美味到不得了，全用白身魚的魚骨魚頭煲，只加鹽，原味製作。
日本超甜密瓜，食過唔返得轉頭。
张贴
