影片
更多
2012-02-14
15 浏览
由於住在附近，所以廣東人兩年前初開檔時已來幫趁，好似頭幾個食評我都有份﹗只可講句這兒用炭爐雖有特色，但初時食物水準一般亦偏貴。事隔兩年，就在12月一個只得8度的晚上，無端端又挑起條炭爐癮，兩口子又走落黎再試過﹗發覺食物質素好咗喎﹗星期六的晚上八點許，枱凳已擺滿整條大後巷，愈凍愈多人，有個火爐對住，感覺溫暖﹗寒冬又大風下，用炭爐燒瓦煲其實幾難滾得起，想食野要有耐性，唔係真係等極都唔滾﹗冬蔭公湯底$68，湯頭濃，入面有多隻大蝦、蜆、菜、草菇等，味道亦與肥牛海鮮挺夾，值得推介﹗手切肥牛味道不錯﹗$168有廿片左右，牛味濃郁，雪花亦帶油脂香﹗正﹗蟶子王夠大隻，輕灼一兩分鐘便吃得，爽甜，極美妙﹗手打墨魚丸$48只得4粒，價錢貴了點﹗但大粒彈牙，入面充斥大量墨魚粒，好好o趙口，一試無坊﹗反而蜆就不值支持，用的是小沙白，真係灼完粒肉都唔知會飛左去邊，細隻得不得了，叫多碟菜好過吧﹗就係咁今年已在廣東人打了兩次邊爐，最近一次更相約友人試埋佢地既燒烤，只可說極貴，唔抵食﹗雞中翼兩隻竟要$25，牛肉串燒好似$20得三幾條，如吃海鮮烤魚等就更貴，最慘係佢個烤架與炭極近，超大火，食物兩野就燒黑，自問無咁既功力可
事隔兩年，就在12月一個只得8度的晚上，無端端又挑起條炭爐癮，兩口子又走落黎再試過﹗發覺食物質素好咗喎﹗
星期六的晚上八點許，枱凳已擺滿整條大後巷，愈凍愈多人，有個火爐對住，感覺溫暖﹗寒冬又大風下，用炭爐燒瓦煲其實幾難滾得起，想食野要有耐性，唔係真係等極都唔滾﹗
冬蔭公湯底$68，湯頭濃，入面有多隻大蝦、蜆、菜、草菇等，味道亦與肥牛海鮮挺夾，值得推介﹗手切肥牛味道不錯﹗$168有廿片左右，牛味濃郁，雪花亦帶油脂香﹗正﹗
蟶子王夠大隻，輕灼一兩分鐘便吃得，爽甜，極美妙﹗
手打墨魚丸$48只得4粒，價錢貴了點﹗但大粒彈牙，入面充斥大量墨魚粒，好好o趙口，一試無坊﹗反而蜆就不值支持，用的是小沙白，真係灼完粒肉都唔知會飛左去邊，細隻得不得了，叫多碟菜好過吧﹗
就係咁今年已在廣東人打了兩次邊爐，最近一次更相約友人試埋佢地既燒烤，只可說極貴，唔抵食﹗
雞中翼兩隻竟要$25，牛肉串燒好似$20得三幾條，如吃海鮮烤魚等就更貴，最慘係佢個烤架與炭極近，超大火，食物兩野就燒黑，自問無咁既功力可以燒到佢地既廣告相咁，還是放棄了吧﹗只可說打邊爐有特色而出品不錯，價錢雖不便宜，但作為炭爐熱戀者，我地會再去的﹗
张贴
