반찬앤쿡 Banchan and Cook (東薈城名店倉)

营业中

休息中

專登入東涌行outlet，行完街就去咗食一個特色嘅星球菜式。餐廳有兩個用餐區域，出面嘅用餐區就可以望到商場中庭，感覺廣闊啲開揚啲。星際彩虹芝士豬扒喺吉列炸豬扒上面加上彩色嘅半溶芝士，色彩繽紛。水星八爪魚腿蛋包飯上面係藍色嘅奄列蛋，切開就有嫩滑蛋汁。配上鮮嫩八爪魚腿，口感豐富。木星朱古力咖啡味道唔算係好濃郁，不過面頭就有木星圖案，切合主題。跟住係烏黑色嘅穀神星大蝦墨汁意粉，黑色嘅墨汁醬汁同墨汁意粉，食到成個嘴同牙齒都係黑色，好好笑。意粉煮得啱啱好，保持韌度，加埋爽口嘅大蝦同埋鮮味三文魚子，味道唔錯。黑白色嘅月球幻影黑芝麻沙冰，濃郁黑芝麻香味，冰涼透心。最後當然係甜品環節，伯爵茶布丁牛角包窩夫結合香滑布丁同香脆牛角包窩夫，淋上伯爵茶醬汁，味道獨特，滿滿伯爵茶香氣。