更多
2023-06-18
1233 浏览
呢日嘅行程安排有啲失準 👉🏻👈🏻 搞到 #小秘書 我竟然遲晒大到😅 好彩出發嘅時候雨勢開始減弱,但係一向有「夜盲症」嘅我,都花咗少少時間先搵到餐廳嘅方向🤪 第一次嚟到 #Flagship,感覺都幾特別。餐廳正門唔太顯眼,客人先要轉入小巷、再攀上石級先至到正門😅 餐廳空間唔算太大,估計最多坐到16個人左右。好彩 #首領 精明,一早已經幫我哋打去餐廳預留位置(雖然去到嘅時候,老闆話唔見咗我哋個booking😅 不過最終都安排好)。餐廳以 #特色fusion菜 為主,所以都花咗啲時間喺menu上搵嘢食。我哋點咗 #煎章魚鬚🐙 #炸雞,仲有半打 #生蠔 🦪 做 #前菜,雖然每樣食物嘅份量都唔算太多,不過對於我哋四個嚟講就啱啱好🤤 超初仲以為條章魚鬚一定好韌,不過真係估佢唔到口感又幾鬆軟,配埋炸雞一齊食,零舍惹味🤤 而佢哋處理得啲生蠔都幾乾淨,又夠晒新鮮,如果唔係要比錢,我肯定會再encore😂 至於 #主菜 方面,因為 #厚切豬扒 冇貨嘅關係,最後我哋都跟老闆嘅提議,要咗件 #肉眼扒 🍽️ 廚師控制得個火候恰到好處,五成熟嘅肉眼扒上枱嘅時候,切出嚟肉心仲係粉紅色嘅,肉質算係肥瘦適中,鍾意食牛嘅大
餐廳以 #特色fusion菜 為主,所以都花咗啲時間喺menu上搵嘢食。我哋點咗 #煎章魚鬚🐙 #炸雞,仲有半打 #生蠔 🦪 做 #前菜,雖然每樣食物嘅份量都唔算太多,不過對於我哋四個嚟講就啱啱好🤤 超初仲以為條章魚鬚一定好韌,不過真係估佢唔到口感又幾鬆軟,配埋炸雞一齊食,零舍惹味🤤 而佢哋處理得啲生蠔都幾乾淨,又夠晒新鮮,如果唔係要比錢,我肯定會再encore😂 至於 #主菜 方面,因為 #厚切豬扒 冇貨嘅關係,最後我哋都跟老闆嘅提議,要咗件 #肉眼扒 🍽️ 廚師控制得個火候恰到好處,五成熟嘅肉眼扒上枱嘅時候,切出嚟肉心仲係粉紅色嘅,肉質算係肥瘦適中,鍾意食牛嘅大家一定要試吓🤤 另外叫嘅 #千層脆窩夫油封鴨髀,雖然外貌係幾吸引嘅,但係用 #窩夫 嘅甜味嚟配襯 #太陽蛋 同 #鴨髀,味道真係唔係咁夾囉😅 而最後加嘅 #卡邦尼意粉 🍝 都唔算太出色,小編唔會特別推介比大家🤪
不過真係要讚吓呢間餐廳員工嘅服務態度🙏🏻 雖然成晚都見到佢哋一直做到有氣冇埞唞,但係每次需要搵佢哋幫手嘅時候,大家都會保持笑容😁 而佢哋亦都好窩心,咁忙都仲肯幫我哋用 #檸檬撻 做咗個生日蛋糕比朋友仔,而且仲裝飾得幾靚㗎❤️🔥 大家有機會都可以嚟試吓呀!
📍 Flagship (灣仔)船街35號地舖
张贴