マヌル屋

营业中

休息中

今次喺到牛頭角搵食~ 搵到間新開嘅日本人主理嘅「瑪瑙瑙麵」拉麵店~ 舖頭細細~ 但好有日式小店嘅溫馨感，店內仲有好多貓貓擺設，真是一個隱世好去處~ 今次試咗兩款招牌雞白湯拉麵同小食，質素好有誠意，值得支持🥢黑蒜雞白湯拉麵黑蒜嘅香氣即刻撲鼻，湯底用11小時熬煮嘅雞白湯，攪拌到有泡沫，入口滑順，雞味溫和帶醬油香，唔係重口味但好清甜。黑蒜嘅甘香同湯底好夾，提升晒層次，飲落好順喉，唔會油膩，忍唔住想飲晒成碗！配料有慢煮雞胸同雞叉燒，慢煮雞胸嫩滑多汁，肉味濃；雞叉燒煎得香口，帶點焦香。黃麵揀咗彈牙款，掛湯力強，配上荀、洋蔥同京蔥，爽脆清新，食落好有層次。🥢辣味噌雞白湯湯底同黑蒜款一樣綿密，但加咗辣味噌，帶微辣同味噌嘅鹹香，辣度啱啱好，唔會蓋過雞湯嘅鮮甜。白麵口感爽彈啲，吸晒湯汁，食落好順滑。配料同黑蒜款差不多，慢煮雞胸依然嫩滑，都好滿足🥢餃子即叫即煎，皮煎到微脆，簡單嘅醬油調味，係拉麵嘅好拍檔