MM Café & Lounge (已結業)

本來想去Jollibee 連鎖店買早餐，因為同事話佢啲咖啡同早餐都幾正。但係去到原來未開門😅，真係估佢唔到竟然八點幾都未開🤣，係唔知食乜好嘅時候，返公司途中見到對面馬路呢一間MM cafe開咗！呢間係韓國紅星李英愛喺香港開嘅護膚品店，一直知道佢哋有提供輕食午餐。不過估唔到依家連早餐都做埋😁，佢哋走中高級路線，都做埋早餐，咁勤力好難得👍。早餐選擇唔多，都係偏向健康類別，呢度環境好靚好舒服，如果下次早啲，我會喺呢度食一個早晨全餐。今次我就買咗佢哋擺喺門口嗰個牛角包雞蛋早餐，有驚喜，估唔到嗰兩隻牛角包係脆卜卜，好好味。但係成個早餐就比較細份，唔係好飽，不過唔緊要，當係減下肥囉😁。