4
3
0
港铁中环站 C 出口, 步行约1分钟 继续阅读
电话号码
31014775
附加资料
另可举办活动及包场,音乐表演等
营业时间
今日营业
12:00 - 21:00
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
付款方式
Visa Master AlipayHK 支付宝 现金 八达通
其他资料
加一服务费
当面支付
食记 (8)
等级8 2020-07-31
3514 浏览
行经呢间铺嘅人都知,佢喺韩星李英爱所开嘅护肤品店,因为铺外挂咗唔少李英爱嘅相片,然而,店家亦有兼营咖啡店,提供早、午餐,因公事需要早啲返到嚟公司,就索性试一试呢度嘅早餐,然後,再返工。因为时间早,所以,店内嘅客人唔多。查实,店内嘅环境几舒服,除咗地方大,枱櫈嘅编排又唔会好密之外,加上柔和嘅灯光,及摆放咗唔少植物,一一都营造出舒适嘅氛围。小弟就选近门口嘅单边位,虽然街景都喺得马路,但对住偌大嘅玻璃窗,感觉更开扬舒心,正能量都多啲。以早餐时段计,主要都喺以面包类为主,走健康路线,亦有提供一款全日早餐,不过,需留意个价钱都喺单点价,并不包饮品,饮品需要另外购买。而早晨套餐,就只有一款,包牛角、烚日本蛋、咖啡嘅组合,只卖$28,无加一服务费。如想饮其他特别咖啡,亦可+$10去升级。牛角包、日本蛋、咖啡早餐 $28一向都明,宣传图片跟实物永远都喺有距离,不过,今次就似乎大咗啲,主因都喺由一个大嘅牛角包,变咗两个细嘅牛角包。以份量而言,或许差唔太多,但肯定一大个就有睇头啲。牛角包虽然喺细只咗,但外观都算烘得金黄,不过,摸上手微暖都称唔上,感觉会打咗折扣。咬落确喺酥脆,之但喺,就唔算好充满牛油香嘅感觉,个人认为都只喺属合格嘅程度。日本蛋讲到明用上日本蛋嚟做,自不然喺加分位,如果有行开超市嘅朋友,都知近来啲日本蛋都平咗好多,10只装往往廿零蚊都可以买到一盒。做烚蛋比较少技巧,最紧要喺用靓蛋,眼前呢只就够晒有蛋香。咖啡小弟今次只喺饮一般即磨咖啡,并无升级至鲜奶咖啡。然而,杯咖啡饮得出喺用上靓豆,亦喺自己较喜欢嘅味道,醇和幽幽,细味下有果仁嘅香气。顺带一提,餐厅鼓励客人帮帮忙,食完嘢嘅托盘及餐具,麻烦放返去收银旁嘅收集处。静静哋一个人晌个咁舒适嘅环境用餐,尤其近来疫情之凶,更感安心。虽然,今早所食到嘅早餐,唔算有咩超水准表现,但加埋环境、价钱、店员嘅服务态度,都搭够俾个中上嘅分数。 继续阅读
(以上食记乃用户个人意见 , 并不代表OpenRice之观点。)
等级1 2020-08-29
660 浏览
之前来过一次,但太匆忙,没有做纪录,今次做完工作,有一些时间,就在这里吃早餐。因为是平日上班时间,人流不多,环境十分宁静,装修也很雅致,空间感十足,最适宜三两知己在这里谈天,每张枱也有一些护肤产品介绍。店内有一个28元的早餐,包括一只日本烚蛋,一个牛角包及一杯咖啡,不过我嫌牛角包太油,没有点这个餐。餐厅可自选面包,自选馅料,我点了黑麦包及烟三文鱼,生菜,蕃茄及酱汁刚自动附上,只是我走酱汁,另外我点了一杯cafe latte, 价钱大约65元。麦包没有加热,有点硬,烟三文鱼加上生菜及蕃茄,味道清新健康,咖啡也不错,可惜没有肉桂粉给客人添加,感觉有点美中不足。份量对普通女士来说非常足够,我那天午餐也要押後吃。这里是需要自己将用完的餐具餐盘交回检收点,那天有人没有遵守,员工也较忙,导致整洁分扣了一点。整体来说,在中环地段,地面餐厅,宁静的环境,不错的食物,我绝对赞赏! 继续阅读
(以上食记乃用户个人意见 , 并不代表OpenRice之观点。)
等级2 2020-08-02
519 浏览
同同事既annual lunch之约(笑), 唔知食咩好, 沿住毕打街, 见到呢间地下铺装修唔同左, 睇黎转左手, 就试一试啦!我地两个都拣左呢个吉列黑豚和风咖哩丼🍛, 价钱系menu入面最平, 加上好挂住日本美食, 所以就叫左呢个炸猪扒! 咖哩唔辣, 应该都系咖哩砖调制出黎, 略嫌稀身, 咖哩汁浓稠d会更好! 黑豚炸得刚好, 肉身唔会太老, 粉浆唔会太厚身, 配料份量都大大件, 总体黎讲唔错, 对得住个价钱!Lunch set仲包野饮, 叫左加大版既latte☕️, 味道控制得唔错, 咖啡味再浓d就更好! 总括黎讲, 中环地带算系正常之选, 性价比正常! 继续阅读
(以上食记乃用户个人意见 , 并不代表OpenRice之观点。)
等级4 2020-06-23
881 浏览
本来想去Jollibee 连锁店买早餐,因为同事话佢啲咖啡同早餐都几正。但系去到原来未开门😅,真系估佢唔到竟然八点几都未开🤣,系唔知食乜好嘅时候,返公司途中见到对面马路呢一间MM cafe开咗!呢间系韩国红星李英爱喺香港开嘅护肤品店,一直知道佢哋有提供轻食午餐。不过估唔到依家连早餐都做埋😁,佢哋走中高级路线,都做埋早餐,咁勤力好难得👍。早餐选择唔多,都系偏向健康类别,呢度环境好靓好舒服,如果下次早啲,我会喺呢度食一个早晨全餐。今次我就买咗佢哋摆喺门口嗰个牛角包鸡蛋早餐,有惊喜,估唔到嗰两只牛角包系脆卜卜,好好味。但系成个早餐就比较细份,唔系好饱,不过唔紧要,当系减下肥罗😁。 继续阅读
(以上食记乃用户个人意见 , 并不代表OpenRice之观点。)
等级2 2020-06-11
673 浏览
咁岩要去中环做啲嘢,嚟到就好想叹一杯咖啡,享受整个下午,呢间餐厅好近地铁站,C出口唔使行1分钟就到。窗边位有啲吧枱,见到有唔少外国人拎住部电脑喺度做嘢,一边叹住咖啡。午餐时间唔使等位,食物嘅选择都算多,系价格贵咗少少。叫咗嘢食嘅话,可以用半价加咖啡,之後我就叫咗Iced Latte,但咁岩嗰日冰机坏咗,变咗我杯Iced Latte系冇ice嘅,不过都够冻,味道就一般。我叫咗一个慢煮鸡肉饭,鸡肉嘅口感好软👍🏻 继续阅读
(以上食记乃用户个人意见 , 并不代表OpenRice之观点。)