大阪日本料理 (已易手) 新餐厅

今晚想食日本野，聽聞呢間餐廳係日本人黎香港都會黎食嘅，所以就試下。起初我地想食壽司，要求安排坐sushi bar，叫左以下嘅壽司同刺身。 七貫壽司味道不過不失，蝦都係鮮甜嘅。後來我地叫左牛肉鍋，佢嘅服務都好好，幫我地轉左個位先上呢個鍋。呢個真係值得食。牛肉有肉味，再加上滑滑嘅蛋汁真係好味，要加埋d配料金菇、芋絲、豆腐、京蔥等等好正！呢份就係牛肉，肥瘦適中，入口好軟滑，真係可以食幾多塊都無問題！加上蛋汁一齊食，正！最後仲附送甜品，抹茶雪糕，有濃濃嘅茶味，可惜雪太耐，太冰，減左少少分。