影片
更多
2009-02-22
35 浏览
為了圓男朋友前日在翠華未了的菠蘿油夢,今天特意帶他到金鳳吃菠蘿油,中午一點到達,剛好不用等位,長驅直入很爽同冰室一樣,金鳳選擇唔多,男朋友本身已經好不滿,猛話無野食,最後點了一個常餐一個特餐,加$2轉菠蘿油,本來想要一件雞批,但是伙計說壞爐了,所以沒有,蛋撻也是一樣,殘念菠蘿油:本次主角最先上枱,睇個樣已經覺得唔係新鮮出爐,完全無啱啱出爐果種飽滿的感覺,縮埋一舊(據說又係因為個爐壞左無得出爐之故),可以用猥瑣黎形容食落更唔掂,雖然都算軟熟,未至於係硬0既隔夜麵包,但係真係凍包叠凍牛油...係樓下買個菠蘿包焗返熱佢放塊牛油入去都好味過佢呀男朋友非常不滿,投訴話菠蘿包個皮唔脆好難食,食剩一半要我勉强清理埋(因為我覺得將人地的招牌食剩晒好唔俾面)...搞到我好hurt五香肉丁麵:好細碗,係普通茶記的一半奄列:我的特餐要了香腸奄列,等了多於十分鐘才有得食,居然出乎意料地好吃!蛋煎得唔老,仲好嫩,有蛋汁流出黎,好香蛋味,好正,而且有好多腸仔係入面啊!奄列怪好開心!雖然無澳洲牛奶公司咁大份,但係好味過佢呢!好滿意啊!不過唔知點解火腿奄列側邊有一大pat牛油,香腸奄列就無...我將Ｄ牛油搽落Ｄ奄列上
同冰室一樣,金鳳選擇唔多,男朋友本身已經好不滿,猛話無野食,最後點了一個常餐一個特餐,加$2轉菠蘿油,本來想要一件雞批,但是伙計說壞爐了,所以沒有,蛋撻也是一樣,殘念
菠蘿油:本次主角最先上枱,睇個樣已經覺得唔係新鮮出爐,完全無啱啱出爐果種飽滿的感覺,縮埋一舊(據說又係因為個爐壞左無得出爐之故),可以用猥瑣黎形容食落更唔掂,雖然都算軟熟,未至於係硬0既隔夜麵包,但係真係凍包叠凍牛油...係樓下買個菠蘿包焗返熱佢放塊牛油入去都好味過佢呀男朋友非常不滿,投訴話菠蘿包個皮唔脆好難食,食剩一半要我勉强清理埋(因為我覺得將人地的招牌食剩晒好唔俾面)...搞到我好hurt
五香肉丁麵:好細碗,係普通茶記的一半
奄列:我的特餐要了香腸奄列,等了多於十分鐘才有得食,居然出乎意料地好吃!蛋煎得唔老,仲好嫩,有蛋汁流出黎,好香蛋味,好正,而且有好多腸仔係入面啊!奄列怪好開心!雖然無澳洲牛奶公司咁大份,但係好味過佢呢!好滿意啊!不過唔知點解火腿奄列側邊有一大pat牛油,香腸奄列就無...我將Ｄ牛油搽落Ｄ奄列上面,令炒蛋香上加香雖然油上加油,肥上加肥,但係好正！
無凍凍奶茶:一般啦,我覺得無乜茶味,金華好飲過佢~
環境好窄,張枱好迫,男朋友食得又論盡,一伸手就倒晒成杯檸茶,好狼狽,不過伙計好快手清理,亦都無俾面色,服務都唔錯呢~而且佢開頭落錯order,我叫佢換佢都即刻換,都幾好人吖
臨走時很不甘心的多買了一個椰撻食,金鳳的椰撻沒有坊間的甜膩,比較清淡,無咁油,不過我覺得好乾,我都係鐘意椰撻黏口的感覺
今次的不愉快經歷令我發現金鳳的鎮店之寶不是菠蘿油,而是面包爐,個爐壞左就乜都做唔成,反而突出了奄列的水準...都不知道是幸還是不幸呢?
不過我都會再俾多次機會佢的...為左挽回我的"搵食"聲譽同埋雞批!
张贴
