拾味山西刀削麵館

营业中

休息中

曾几何时试过拾味山西刀削面馆，仲记得呢度既刀削面非常有咬口，今日经过又食返餐先。餐牌有推荐菜式，刀削面自由配，冷刀削面，热拌刀削面，温泉蛋木耳刀削面。唔食面都有其他选择，例如上海菜饭，上海净水饺，上海净云吞，滋味小食等等。饮品有常见茶记冷热饮品。刀削面可转拉面，米线或者年糕。口水风味冷刀削面配牛肉丝 $68刀削面系粗身扁状带少少不规则，非常之咁有咬口，非常烟韧，真系要咬一阵先好吞。配有清爽青瓜丝，香脆花生米少少同担担酱。个担担酱系酸酸辣辣，入面真系有猪肉粒，都几好味，汁份量绝对够捞面。可以选一𩠌，我拣左牛肉丝，其实系牛展切丝，少少口水汁放系牛肉丝上面，最后洒上白芝麻粒。面量好多，食极都有。热拌刀削面配牛腩 $62热拌刀削面原来比冷刀削面淋好多，个人觉得热拌面质感最好，软硬度适中。跟四川担担酱，个酱都系暖，味道好好。牛腩4大旧，炆得好腍，入口即溶，而且个汁好入味又好香。芫荽葱花放匙羹另上。蒜泥牛展 $70蒜泥牛展一客10片，面头中间一大pat蒜泥，自己选择加几多。牛展质感系要咬下个d，本身个汁都好入味，系卤水味，加埋蒜泥就变左酸辣。总括而言，呢度d面大大碗，包食饱，特别推介牛腩同热拌面。