拾味山西刀削麵館

营业中

休息中

好耐冇食刀削麵，經過灣仔集成附近見到，下午茶時段唔算多人，環境好舒服，下午茶套餐真係好抵食，可以揀一款麪仲有豆漿或者冰茶！豬軟骨刀削麵：本身想揀豬手，賣晒轉豬軟骨，但係都好好食，煮到好淋，而且好入味！30幾蚊一碗麵，諗住下午茶應該唔會好大碗，點知份量都好多😂刀削麵食落去好彈牙和好煙靭！而且湯底飲落去有啲唔同，有種鮮甜的味道！呢碗真是下午茶平靚正之選！ 上海雲吞年糕：雲吞大大粒，用咗菜肉去包，食落去好香，而且好新鮮！平時有時食開炒年糕，但係湯年糕有另外一種感覺，年糕好彈牙，一啖湯一啖年糕好滋味，另外配料加左粟米！鹵水雞翼：$40有六隻，我平時好鍾意食滷水雞翼，又係好入味！酥炸雲吞：好香口的小食之一，炸到好鬆脆，平時通常點甜酸醬，但係點千島醬仲好食😍

好耐冇食過依間山西刀削麵😍😍 每次lunch路過想食都好鬼多人，刀削麵新鮮製作，即叫即削，口感煙韌，麻辣魚腐我係每次必點😝 佢個自家製麻辣汁真係超級惹味！😋

呢間俾HOY介紹過嘅刀削麵，查實我經過過幾次，但佢門面真係有啲欠亮點，幾次都係行過咗先後知後覺原來係麵店......都可能係店位同門口大細問題，同行過幾步嗰間麵舖差很遠。叫咗碗好Basic嘅四川擔擔刀削麵，送凍豆漿，48元，算OK價格。湯頭本身幾清甜，可多飲幾淡。擔擔面醬就失望嘞，冇乜味，偏甜，肉碎唔夠香，花生味都唔濃，唔知算係咩流派嘅擔擔？麵條本身唔錯，偏修身嘅刀削麵，削法應該係好陰柔，所以麵邊起皺唔多；麵身中間幾有厚度，食到底都Keep住煙韌，個人認為算係上乘嘅刀削麵。我食到一半開始𢳂大量辣椒油拌麵嚟食，即刻有啲食「哨子麵」嘅感覺，爽辣。都話咗食麵唔食辣真係少好多樂趣。未至於一食難忘，但算係幾有質嘅傳統麵食，可以番兜，下次要試一兩款小食。

不時都會幫襯這間刀削麵，不過它有個缺點：太大碗，經常食唔晒。麵條由師傅每日手工削製，厚薄分明，口感扎實且不黏牙，越嚼越香，展現正宗山西風味。湯底以雞和粟米熬製，清甜自然，令人回味。餐點選擇豐富，如上海雲吞刀削麵、豬軟骨拉麵等，份量十足，性價比高。酥炸雲吞外脆內嫩，是不錯的小食之選。整體來說，無論是味道或製作細節都見心思，值得一試。上海雲吞刀削麵加生菜（$58）豬軟骨熱伴拉麵（$65）酥炸雲吞（$40）

香港比較少地方食到即製/削刀削麵，最近聼朋友介紹呢間【拾味山西刀削麵館】係即叫即削，所以就去左試下啦。蒜泥牛展刀削麵：師傅即場刀削嘅麵條真係無得頂！厚薄不一嘅手工麵片口感超煙韌，掛湯力一流。滷牛展軟淋入味，蒜泥醬香濃帶微辣，配埋熱辣辣既清湯底，每一啖都係濃郁蒜香同肉香嘅完美結合～拾味冷刀削麵配牛肉絲：夏天必食！冰鎮過嘅刀削麵更加爽口彈牙，撈埋秘製醬汁（有D似沙律醬加左辣），酸辣開胃。牛肉絲鹹香有咬口，加埋青瓜絲同粟米，清爽得嚟又有層次，越食越過癮！涼拌海帶：爽脆海帶絲加入蒜蓉、辣椒同特調醬汁，酸辣爽口又解膩，做開胃小食或者配主食都一流～呢間山西刀削麵專門店由手工麵條到調味都真材實料！分量超級無敵大、熱湯麵濃郁飽肚、冷麵酸辣醒胃，再加埋地道小菜，完美演繹北方麵食嘅精髓。鍾意煙韌口感嘅朋友一定要試！

【😋拾味山西刀削麵館｜蒜泥燻蹄好正！】山西麵款280款，山西刀削麵可說是人所共知。而我最喜歡吃薄薄滑滑的那種，爽口之餘硬度夠，仲有一定長度，不易碎。「拾味」正合我意😊，餐廳是親民路線，套餐選擇多，加小食或加餸都幾抵，好感度高！.🍜四川擔擔醬竹笙刀削麵湯底較清，擔擔醬無想象中的濃味，喜歡滑滑嘅麵質，竹笙大大條，夠爽口。.🍜越南春卷（套餐）炸得金黃脆口，點埋酸甜雞醬，春卷癮即止！.🍜蒜泥燻蹄👍🏻$70好食推介，燻蹄口感爽脆，蒜泥加埋黑醋嘅秘製醬汁，同燻蹄超配。.🍜菜飯極大碗，菜量多，夠兩位女生share, 仲有粒粒鮮菇。.🍜豆漿凍豆漿甜度固定，但不太甜，豆香ok! .🙌🏻拾味山西刀削麵館📍灣仔灣仔道212-214號A舖怡康大廈地下#香港 #灣仔 #灣仔美食 #拾味 #刀削麵 #蒜泥燻蹄好味

拾味山西刀削麵館環境現代簡約，融合工業風與溫暖色調，營造舒適宜人嘅用餐氛圍。木質同白色主調搭配黃色同灰色座椅，乾淨清新，牆面點綴幾何圖案同「拾味」霓虹招牌，增添現代活力同特色。座位設計寬敞，有高腳凳同普通椅，佈局合理，唔會感到擁擠。暖光燈同金屬吊燈設計出色，照明柔和，開放式廚房展示刀削麵製作過程，讓客人感受到真實同互動嘅樂趣。綠植裝飾平衡冷暖色調，牆上簡單畫作同小裝飾如QR碼點餐單，方便快捷。餐廳內氣氛熱鬧，尤其中午時段，吸引附近打工仔，適合快餐或同朋友小聚。空間雖唔算大，但利用得宜，座椅舒適，環境整潔。我叫咗一碗醉雞刀削麵同一杯豆漿。刀削麵條寬薄適中，湯底濃郁香醇，醉雞嫩滑，酒香與佐料交融，豆漿溫熱順滑，與麵食相得益彰。味道正宗，份量充足，性價比高，特別適合忙碌嘅午餐時段。

偶爾便會想吃刀削麵，今天與友人來到灣仔試試這家拾味，店舖光猛寬敞，座位舒適麻辣牛筋腩刀削麵 $62+豬耳 $10可以自選辣度和蒜蓉量，我點了小辣多蒜，將牛筋腩豬耳放進面中，麻辣蒜蓉味香濃，牛筋炆得軟腍入味，豬耳爽脆份量多，性價比高手工刀削麵非常煙靭彈牙，麵條闊條厚身，份量真的超大，一個女生吃不完麻辣豬頸肉刀削麵 $62+豬軟骨 $10兩款餸都有驚喜，豬頸肉邊位仍帶焦脆口感，豬軟骨炆得軟腍，軟骨已成啫喱狀，非常滋味凍豆漿$6 & 凍檸蜜$10麵餐加配飲品有優惠，豆漿冷熱同價，同樣是$6 ，非常超值總括來說，位置方便，手工刀削麵性價比高，會再來

最近去咗灣仔一間專做山西刀削麵嘅餐廳，試咗佢哋嘅招牌刀削麵，麵款基本上都超煙靭，重點係佢配料非常高質，值得同大家分享下～———————————————🌟 麻辣肥牛刀削麵 $62呢個麻辣肥牛刀削麵真係超足料！我地另加$10雞腎，一樣高質。兩款肉類份量麵多，而且係分開另上，唔驚浸曬湯味道唔一樣。雞腎超爽口，肥牛質素都唔錯，唔會太多肥膏～麻辣汁香濃惹味，辣度適中，帶少少麻香，淋落配料到味道超正。配埋煙韌嘅刀削麵，整體都非常高質。🌟 蒜泥牛展刀削麵 $6我將麵底轉咗拉麵同蕃茄湯底（另加$15）蕃茄湯底真係超有驚喜！湯底有超多蕃茄粒，似係有醃過，味道濃郁得嚟又充滿鮮茄味，鍾意蕃茄湯嘅朋友一定要試～拉麵麵底都一樣出色，相對比較爽口，冇刀削麵咁飽肚。牛展份量多，而且好大塊，成堆蒜泥鋪喺上面，味道濃郁得嚟又過癮！🌟 豆漿 $6凍熱同價，甜度啱啱好，飲落順滑又解膩，配搭麵食一流！

這天天氣開始冷❄️想吃暖暖的主食🍜就過來支持一下～🤎✨刀削麵🥢每日鮮製即叫即削，每一麵條由師傅由人手立即削出麵條，從相同角度削出為求麵條口感筋道韌性、厚薄適中，大小長度與厚度相近，似乎有幾分功架。刀削麵入口煙韌又掛湯，而且刀削麵大大份，性價比好高🐥口水雞特別滑嫩,而且很爽口,冰鎮的雞肉和四川風味的醬汁，花生，芝麻做配料湯底做到清爽唔肥膩，飲完都唔口乾🐽紅油豬耳肥而不膩，涼拌豬耳絲，香辣爽口最令我驚喜一定是生竹笙超級珍寶Size的竹笙非常壯健💪🏻而且還連著傘位上檯坊間少見

天氣轉涼了，喉嚨又成日乾，所以成日都好想食帶水份嘅食物。買完BB 野，當然要，搵d野食下啦😬。 （最高5⭐️）越式春卷配上海雲吞刀削麵（5⭐️）春卷超足料，而且外脆內熱， 入口鬆化，加上甜辣醬， 特別開胃❤️， 令人回味🤤。 上海雲吞皮薄， 肉質鮮甜多汁。刀削麵軟硬適中，超好味😋。蛋木耳水餃配竹笙拉麵（5⭐️）大大碗的蛋木耳拉麫，我選了竹笙、水餃作配菜。我都是第一次有竹笙做配菜🤩， 原來是超彈牙及爽口；水餃香滑多汁👍🏻， 同樣都是皮薄，滋味十足。拉麵爽口彈牙， 煙煙韌韌🥰，好正😬。

灣仔這間刀削麵館主打傳統山西刀削麵🍜餐廳環境簡潔明亮坐得舒適 適合朋友聚餐或輕鬆用餐😬價錢親民好適合灣仔上班族👍✨手撕雞拾味冷刀
手撕雞肉質鮮嫩 搭配特製擔擔醬🌶️及千島醬 味道甜甜辣辣層次豐富 冷刀削麵口感彈牙🍜味道濃郁 搭配清爽的青瓜絲🥒 及粟米粒🌽口感更加豐富好開胃 份量好大適合分享✨麻辣雞腎
雞腎口感爽脆 麻辣醬汁香辣過癮 帶有微微的麻香好惹味🌶️✨酥炸雲吞
雲吞外皮炸得金黃酥脆 內裡餡料豐富 肉汁鮮美 蘸上沙律醬味道更加提升😍✨熱豆漿
主食可以優惠加配飲品 豆漿濃郁香滑 甜度適中 熱騰騰的豆漿暖胃又解膩 完美搭配麵食🥤📍拾味山西刀削麵館 (灣仔)灣仔灣仔道212-214號怡康大廈地下A號舖

在灣仔的這家餐廳，豬軟骨熱拌刀削麵絕對值得一試。豬軟骨煮得恰到好處，肉質滑嫩，與熱麵的結合更是完美，熱麵的彈性讓它吸收了豬軟骨的肉汁，口感更加濃郁美味。每一口都能感受到肉汁的香氣，令人回味無窮。另外，手撕雞口水凍刀削麵同樣不容錯過。這道菜的凍麵相較於熱麵來說更具煙韌感，彈牙的口感令人驚喜。搭配上手撕雞的鮮嫩，更是提升了整體的風味，讓人每一口都充滿驚喜。最後，紅油抄手的辣度微辣，剛好為這頓餐點增添了一絲火熱的刺激，但又不會過於辛辣，讓人可以輕鬆享受。總體而言，這裡的每道菜都展現了獨特的風味，令人難以忘懷，絕對值得再來品嚐。

今日突然興起想食刀削麵收到搵到灣仔有間刀削麵館就決定一試望餐牌見有熱拌同涼拌刀削麵2款都吸引 就同朋友一人試一款！😚熱拌刀削麵配豬頸肉熱拌嘅醬咸香兼少辣，有啲榨菜同肉碎令個醬更香刀削麵口感好煙韌，厚度適中食落好彈牙豬頸肉有炸過好香脆，但肉質保持嫩滑涼拌手撕雞刀削麵超多粟米同青瓜，口感勁豐富配上雞肉同麻醬，感覺好清爽食晒成碗都唔會滯呀🙈口水汁豬耳叫咗小辣，食落岩岩好豬耳好爽脆～咬下咬下就食晒成碟😆豆漿唔會太甜，好香豆味！配刀削麵好夾😚😚估唔到灣仔會有間咁出色嘅刀削麵，之後lunch可以過嚟再試唔同款啦🤤

之前喺西營盤工作時，lunch間中都會用外送程式叫外賣。「拾味山西刀削麵館」係其中一間愛店❤。可惜之後喺外送程式再叫唔到呢....早前去灣仔做嘢見到拾味實體店😍，當然要食返碗回味下!!最愛熱拌刀削麵🥰🍖豬軟骨熱拌刀削麵用上四川擔擔麵醬，香辣惹味🌶，令人一口接一口~刀削麵煙韌彈牙👍🏻，有咬口，厚薄不一的麵體更能掛起辣醬!!印象中豬軟骨滷得入味而且軟骨燉到啫喱般。雖然豬軟骨都大件，可惜肉質比較鞋同唔多入味🥲，而且軟骨比較硬....回憶總是美好🙈，但下次如果經過都會想入去食熱拌刀削麵~