TW Coffee Concept (已結業)

係樂度附近行左幾個圈，最後解定黎依間試吓，又未幫襯過，周圍又搵唔到第二間環境較好既餐廳可以竭一竭 ~ 見個名同餐牌，估計應該係咖啡同意粉做主題掛 ~凍 cuppacino，糖水係另上呢，我本身飲開齋啡，走糖走奶，所以今次都唔例外，係唔落糖架呢。聞一聞咖啡，香味稍遜，飲落味道未算突出地香濃，不過比港式茶餐廳好好多，返而嘗到好清新既淡奶味喎。磨菇湯，不是熱辣辣，微暖不燙口，又幾好喎，可能唔想因為太熱而破壞左鮮磨菇既味道同營養。鮮磨菇磨成碎粒再打湯，食到一粒粒碎磨菇，好濃郁鮮磨菇原始香味，又正、好味，亦非常補健。凱撒沙律，好新鮮既蔬菜，滿意。吞拿魚意大利粉配淡咖喱忌廉汁，好濃郁咖哩香味，但完全係唔辣，只係香濃味道，唔錯。車厘茄煮太耐，爛晒，但鮮味仍有既。 脆肉瓜非常新鮮爽甜，充滿水份，好美味，意粉口感好正，八成熟，軟硬適中有趙口，嚥嚥靭靭，處理得非常好，正。埋單時仍非常滿意，但係兩個鐘後，非常口渴啊，慘慘慘。烤大野菌偏意粉配磨菇忌廉汁，同樣意粉煮得不多於八成熟，口感嚥靭，唔會腍劈劈，香港地道食客都應該可以接受到，唔會厭太生。忌廉汁味濃，野菌新鮮，好好味。但結局係，食完好頸渴啊。