影片
更多
2023-07-24
157 浏览
餐廳：Harlan's (尖沙咀)地址：尖沙咀彌敦道100號The ONE 19樓擁抱燦爛迷人嘅晚霞🌆，大廚對每一道菜嘅匠心獨運✨，細心體貼嘅服務，每一刻嘅享受仍然歷歷在目，講緊嘅喺我最近去咗尖沙咀The ONE 19樓呢間Fine dining西餐廳——Harlan's @harlans_the_one 。轉眼間餐廳已經營業咗接近10年，正因為對食物同味道嘅執著同大膽創意，一直吸引唔少識食之人去細味品嘗晚市除咗有4-Course同6-Course嘅套餐之外，亦有A La Carte Menu可以散叫食物，大廚不定期設計新菜式新餐牌，帶比食客更多驚喜同新鮮感🎉。揀咗兩個4-Cource Set Dinner (每人$888)之後，就已經急不及待行出室外嘅位置飽覽令人陶醉嘅維港日落美景🌄，望住呢個景食飯真喺好治癒好舒適，返埋位就有熱辣辣嘅餐包食🥯✝️特選金箔法國生蠔Exclusive嘅法國頂級生蠔🦪，限量供應而且唔喺到到有得食，非常珍貴，用咗大量玫瑰乾花做裝飾🌹，喺生蠔上加上鹹香希臘菲達芝士、帶有麻辛香而唔辣嘅日本有馬縣山椒、冰涼嘅自家製西瓜雪葩，配埋Cocktail Sauce，有層次感
地址：尖沙咀彌敦道100號The ONE 19樓
擁抱燦爛迷人嘅晚霞🌆，大廚對每一道菜嘅匠心獨運✨，細心體貼嘅服務，每一刻嘅享受仍然歷歷在目，講緊嘅喺我最近去咗尖沙咀The ONE 19樓呢間Fine dining西餐廳——Harlan's @harlans_the_one 。
轉眼間餐廳已經營業咗接近10年，正因為對食物同味道嘅執著同大膽創意，一直吸引唔少識食之人去細味品嘗
晚市除咗有4-Course同6-Course嘅套餐之外，亦有A La Carte Menu可以散叫食物，大廚不定期設計新菜式新餐牌，帶比食客更多驚喜同新鮮感🎉。揀咗兩個4-Cource Set Dinner (每人$888)之後，就已經急不及待行出室外嘅位置飽覽令人陶醉嘅維港日落美景🌄，望住呢個景食飯真喺好治癒好舒適，
返埋位就有熱辣辣嘅餐包食🥯
✝️特選金箔法國生蠔
Exclusive嘅法國頂級生蠔🦪，限量供應而且唔喺到到有得食，非常珍貴，用咗大量玫瑰乾花做裝飾🌹，喺生蠔上加上鹹香希臘菲達芝士、帶有麻辛香而唔辣嘅日本有馬縣山椒、冰涼嘅自家製西瓜雪葩，配埋Cocktail Sauce，有層次感之餘，所配搭嘅醬汁配料仲喺與別不同，勁啱依家夏天享用🌞
✝️巴馬火腿，蜜瓜
用巴馬火腿煮成湯頭，加上香甜嘅意大利蜜瓜整成凍湯🍈，放上慢煮波士頓龍蝦尾🦞，其中一舊配埋Parma ham整成嘅鹽，入口肉質鮮甜爽彈，鮮味大大提升⬆️，最後加上餐廳自己種有機薄荷葉榨成嘅薄荷油就更fresh🌱
✝️日本松葉蟹，海膽
燉蛋食得多，用日本雞蛋整成嘅燉蛋🥚，配上滿滿嘅松葉蟹肉碎🦀、用海膽打成嘅泡沫、松葉蟹肉同Parmesan cheese焗成嘅鬆脆薄餅、滑溜濃郁嘅海膽同魚子，嗰種鹹中帶鮮、鮮而不膩、互相補足嘅味道，豐富、層次分明、高貴、精緻、鮮味十足……😍
✝️伊比利亞黑毛豬
用咗伊比利亞黑毛豬嘅「第一刀」——豬肋眼肉(上等梅頭)，喺豬隻最嫩較瘦嘅部位，帶少少筋部，而因為一隻豬得一塊，所以比較矜貴，食落非常腍身，加咗爽嫩羅馬生菜🥬，配埋清甜嘅沖繩菠蘿🍍，亦可以選擇蘸大廚秘製蘋果蓉同Vodka整成嘅Purée或者話梅汁，比你食同一款靚豬肉都可以試到多種滋味同享受
✝️A4日本和牛西冷
五成熟嘅A4日本和牛西冷，用咗前腰脊部份，外層燒到焦脆🔥，內層有彈性同咬口，因為脂肪含量高嘅關係，
同時有半即融口感，而且牛羶香味極濃🐮，一試難忘，另外伴上用香煎牛肝菌同黑松露整成嘅香滑薯蓉，中和咗牛脂嘅油膩感，仲提升咗和牛嘅鮮美感✝️黑果松露蛋糕
食甜品前送上每人一杯加咗sparkling water嘅熱情果雪葩🥂，可以清清口腔refresh一吓，之後就到重頭戲甜品——全手工製黑松露蛋糕🍰，
蛋糕無鬆脆餅底，成舊都喺法國Brie cheese同黑松露整成嘅軟心蛋糕層，就咁食會有啲奇怪唔似食甜品，但配上其他材料一齊食竟然有意想不到嘅驚喜同效果🤩：焦糖爆谷、朱古力軟心薄片、黑松露片、熱雲呢拿汁，鹹香中和咗甜膩感，鹹甜兩者相輔相成，有綿又脆，有軟有硬，口感層次多姿多彩，嚟度一定要試🤤
张贴
