影片
更多
2022-08-03
4451 浏览
呢間餐廳係近日打邊爐嘅熱潮，無論係環境、食物、服務超高水準！白湯人參鍋鍋底濃郁滋潤，而且配料好足，加以杞子、八角、當歸等等嘅食材，味道帶有藥材嘅香氣，鍋底更配有鴨血同埋豆腐，索哂湯汁後品嚐更是美味，記住記住記住，先品嚐一啖清湯再打邊爐。香江拼的確係超浮誇嘅全牛盛宴，一共七款嘅牛肉整齊地圍住鍋邊，打卡一流(⁎⁍̴̛ᴗ⁍̴̛⁎) 首先必須稱讚肉質嘅解凍剛好，無滲出血水。安格斯砌成玫瑰嘅形狀，伴有肥牛、毛肚、牛胸油、黃喉、牛舌、牛小腿、牛柳粒，各有千秋～牛胸油油份極重，微爽厚彈；牛舌爽嫩；牛柳粒嚼頭最重；肥牛牛脂平均，入口軟嫩。安格斯紋理清晰，牛味最濃最香。七色丸七款特式丸類：蟹子墨魚丸、青咖喱墨魚丸、鹹蛋黃墨魚丸、紅咖喱魚丸、椰芋黑魚丸、南乳墨魚丸、黑松露墨魚丸，粒粒圓潤，爽口又彈牙，而且味道出眾，調味到位。而且用一條木橋擺放，上枱令人嘩然！桃花緣以香甜嘅日本桃肉，加入自家製嘅桃味啫喱配上乳酸梳打，飲落清甜滿足，帶點口感，職員係端上枱時，仲會吱出一個煙燻氣泡，大家記住預備定相機啦！香芳幻同樣係一杯非常吸引眼球嘅飲品，顏色夢幻，散發椰香嘅蛋白奶泡，底部加入紅桑莓醬，配以菠蘿汁同酸奶，感覺厚潤，不過飲
呢間餐廳係近日打邊爐嘅熱潮，無論係環境、食物、服務超高水準！
白湯人參鍋
鍋底濃郁滋潤，而且配料好足，加以杞子、八角、當歸等等嘅食材，味道帶有藥材嘅香氣，鍋底更配有鴨血同埋豆腐，索哂湯汁後品嚐更是美味，記住記住記住，先品嚐一啖清湯再打邊爐。
香江拼
的確係超浮誇嘅全牛盛宴，一共七款嘅牛肉整齊地圍住鍋邊，打卡一流(⁎⁍̴̛ᴗ⁍̴̛⁎) 首先必須稱讚肉質嘅解凍剛好，無滲出血水。安格斯
砌成玫瑰嘅形狀，伴有肥牛、毛肚、牛胸油、黃喉、牛舌、牛小腿、牛柳粒，各有千秋～牛胸油油份極重，微爽厚彈；牛舌爽嫩；牛柳粒嚼頭最重；肥牛牛脂平均，入口軟嫩。安格斯紋理清晰，牛味最濃最香。
七色丸
七款特式丸類：蟹子墨魚丸、青咖喱墨魚丸、鹹蛋黃墨魚丸、紅咖喱魚丸、椰芋黑魚丸、南乳墨魚丸、黑松露墨魚丸，粒粒圓潤，爽口又彈牙，而且味道出眾，調味到位。而且用一條木橋擺放，上枱令人嘩然！
桃花緣
以香甜嘅日本桃肉，加入自家製嘅桃味啫喱配上乳酸梳打，飲落清甜滿足，帶點口感，職員係端上枱時，仲會吱出一個煙燻氣泡
，大家記住預備定相機啦！
香芳幻
同樣係一杯非常吸引眼球嘅飲品，顏色夢幻，散發椰香嘅蛋白奶泡，底部加入紅桑莓醬，配以菠蘿汁同酸奶，感覺厚潤，不過飲到最後會有啲甜～
张贴
