港畔餐廳 (已結業)

聽聞州際依度既海景好正，於是慕名而來，入到酒店落一層就到，一入到去就望到個落地玻璃超級無敵大海景，現場聽到有樂團表演，燈光較暗，環境唔錯，但枱同枱之間距離太短，好容易聽到其他人講咩坐埋位職員就會叫你簡杯opening drink，我地簡左橙汁，甜甜酸酸幾好飲。整體最滿意既係海鮮，雖然我平時不太好龍蝦，但今次既龍蝦好鮮甜，好多汁，前後一共食左四隻。鮮蝦好爽但唔夠鮮味，但可以加上一啲咯嗲汁，而螺都好普通。紅色杯裡面既係飽魚，面頭淋上醬汁，味道都幾夾。