影片
更多
2024-08-26
978 浏览
我為咗回報個同事嘅一啲恩情，想請佢食Omakase，佢話好，不過由佢揀，佢真係夠老友，又識食，揀咗呢間價錢相當合理，而性價比超高嘅餐廳。 🍖一坐低我就話叫佢嗌嘢食唔好同我慳，點知我已經俾遠處人地食緊嘅嘢吸引咗，睇吓嗰個千層海膽飯，睇住廚師一層一層放上去，好似唔識停咁，我就先叫咗呢個。其實真係唔知佢放咗幾多層上去，我哋嗰個嚟到嘅時候，我哋嘅comment就係，點解食極都食唔完嘅，但係又真係好好味，海膽又甜，個型又靚，新鮮冇腥味，而下面個醋飯亦都做得好好，同個海膽好夾，仲要上面加咗金箔，聲色藝俱全。 🍖唔好意思，跳咗由中間講起，其實我哋係有食到前菜嘅，包括超甜白色粟米，同埋軟殼蟹柑橘沙律，個粟米又係甜到爆，而且一路食一路噴汁，我哋一路尷尬一路食，埋頭苦幹好似自修室咁樣。個沙律又係好清新，雖然主角係軟殼蟹，但印象最深系個柑桔，非常清甜，配合埋個沙律醋同埋啲新鮮沙律菜，令人非常回味。 🍖又講返主菜，除咗海膽飯，我哋仲叫咗一個叫做蘭既什錦飯，裏面吞拿魚三文魚八爪魚，都切成碎粒，再加埋完整嘅左口魚同埋同埋海膽，而側邊鋪滿曬魚子，每一啖食嘅時候，新鮮材料仲多過啲飯，百感交集，超令人享受。 🍖仲有原條
🍖一坐低我就話叫佢嗌嘢食唔好同我慳，點知我已經俾遠處人地食緊嘅嘢吸引咗，睇吓嗰個千層海膽飯，睇住廚師一層一層放上去，好似唔識停咁，我就先叫咗呢個。其實真係唔知佢放咗幾多層上去，我哋嗰個嚟到嘅時候，我哋嘅comment就係，點解食極都食唔完嘅，但係又真係好好味，海膽又甜，個型又靚，新鮮冇腥味，而下面個醋飯亦都做得好好，同個海膽好夾，仲要上面加咗金箔，聲色藝俱全。
🍖唔好意思，跳咗由中間講起，其實我哋係有食到前菜嘅，包括超甜白色粟米，同埋軟殼蟹柑橘沙律，個粟米又係甜到爆，而且一路食一路噴汁，我哋一路尷尬一路食，埋頭苦幹好似自修室咁樣。個沙律又係好清新，雖然主角係軟殼蟹，但印象最深系個柑桔，非常清甜，配合埋個沙律醋同埋啲新鮮沙律菜，令人非常回味。
🍖又講返主菜，除咗海膽飯，我哋仲叫咗一個叫做蘭既什錦飯，裏面吞拿魚三文魚八爪魚，都切成碎粒，再加埋完整嘅左口魚同埋同埋海膽，而側邊鋪滿曬魚子，每一啖食嘅時候，新鮮材料仲多過啲飯，百感交集，超令人享受。
🍖仲有原條嘅秋刀魚刺身，秋刀魚一啲都唔腥，而且個樣砌到花瓣咁，肉質又爽甜。原條嘅又有牛脷，其實，佢切好多舊出嚟，分分鐘唔止一條，配合埋超林滑嘅蘿蔔同面豉湯，口感一流。當然仲有天婦羅拼盤，薄薄嘅粉漿之下，蝦肉充滿彈性，蔬菜仍然保持juicy，而且最緊要係個presentation，炸過嘅麪條，做到孔雀開屏嘅效果，超吸引眼球。
同事幫我慳錢，但係又唔使慳個胃，人生遇到一個咁嘅好同事，夫復何求！
张贴
