潮牛莊火鍋 (已結業)

樓上鋪，所以一直都無留意，直至琴日路過見倒餐牌，未去過，沿餐廳旁邊樓梯上，有啲攰，原來有電梯，傻咗……鋪樓底好高，有卡位，好企理，幾舒服，環境唔錯，同事點咗個牛腩湯飯，鋪名雖然係牛，午餐餐牌寫必食推介竟然係豬蹄筋湯飯，既然推介，咁我試下，嚟到個樣都ok ,仲配飲品，不過食落就普普通通，當中有蘿蔔，其實夠淋，但無味，湯都無乜味，唔知應該讚佢無落味精？定話佢無用心選靚蘿蔔同調味呢？豬筋都一般般，睇返張單仲要加一，好似有少少唔抵。