焚

营业中

休息中

最近行過旺角，無意中發現新開業嘅「焚Yakedo居酒屋」，一間由擁有三十五年經驗嘅料理長親自主理的正宗日式串燒店，立刻吸引我嚟試試！吧枱位一向係串燒店嘅靈魂。坐低後，主廚親切介紹唔同食材專用嘅鹽——雞肉配檸檬鹽清新醒胃，豬肉用岩鹽保留肉香，牛肉用炭鹽令風味更濃郁，最厲害係海鮮加上海老鹽，直接提升鮮味層次。能夠聽主廚講佢對食材堅持同火喉掌握，每道菜背後都充滿故事同熱誠！燒鳥料理：- 「燒雞肝」用新鮮雞肝即日串製，外層微焦、內裡嫩滑，入口細膩。- 「月見免治雞肉棒」，日本蛋黃拌焦香雞肉棒，入面仲有多雞軟骨，超有層次感。- 「自家製餃子」一上枱已經聞到香氣，透薄餃子皮內包豬肉、韭菜、椰菜，沾少少自家醬汁，非常出色。刺身方面：「池魚王刺身」肉質十分爽脆，日本梅汁同水菜醒味之餘亦突顯鮮甜。燒帶子：則選用海老鹽調味，專注表現原味。送酒小食：- 「煙燻芝士」，外脆內軟，法國芝士用日式技法處理，味道驚喜！- 「京都炸豆腐」！外香脆，內裡鬆軟。食串燒又點少得美酒？佢地wine list有鳥取縣出產嘅「梨酒」，香甜清新又解膩。餐後甜品推介「焦糖燒菠蘿」，外層焦香脆卜卜，內裡多汁纖維感重，平衡咗肉食油膩感。